Mpfuletelo 21:3 - Testamente Ledrimpswha ni Mapsalma

³ Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

Mpfuletelo 21:3 ပူးပေါင်းရင်းမြစ်များ

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

I Tsl 3:11

Kambe Xikwembu Nkulukumba ha vuswake, Tatana weru ni Hosi yeru Yesu Kriste, angafambisi ndlela yeru akuva hita ku n'wine.

Va-Heberu 11:16

Kambe swoswi, vahlunyela tiko ledri yampswaka, hileswaku ledri drale tilweni. Hikolahu kaleswo, Xikwembu Nkulukumba angana tingana hikola kwavu, hikutivitana Xikwembu Nkulukumba wavu, hikusa ava bekiselile muti.

Va-Heberu 8:10

Hikusa lexi i xipfumelelanu lexi ni taka xiyentxa ni tiko dra Israyele ntrhaku ka masiku lawo, kuhlaya Hosi: Nita beka milawu yanga miyanakanywini yavu, na kone nita mitrala ni le timbilwini tavu. Nita va Xikwembu Nkulukumba wavu, na vone vatava tiko dranga.

Va-Heberu 8:2

A mutireli wa vuhlawuleko ni wa tende ledringa drone, ledri Hosi yi driyimisiki, ange mhunu.

Mpfuletelo 10:4

Kutani loko a kudruma ka tilo loko ka ntlhanu na kubiri kuvulavulile, afa nidjula a kutrala, kambe niyingela a ritu dripfaka hi le tilweni, driku: Funga axihundleni leswi swihlayiwiki hi kudruma ka tilo loku ka ntlhanu na kubiri, mfuri ungaswitrali!

Mpfuletelo 10:8

Kutani a ritu ledri ningadriyingela dripfa tilweni, dritlhela drivulavula na mine, driku: Famba uyateka a buku ledri dripfuliwiki, dringa vokweni dra ntrumi leyi yiyimiki ahenhla ka likhulu ni le henhla ka misava.

Mpfuletelo 12:10

Kutani ni yingela ritu ledrikulu atilweni, afaka driku: Swoswi kutlhasi huluku, ni ntamu, ni Mfumu wa Xikwembu Nkulukumba weru! Ni ntamu wa Kriste wakwe! Hikusa murambeli wa vamakweru, atxukumetiwile lweyi afaka avarambela mahlweni ka Xikwembu Nkulukumba nhlikanhi ni vusiku,

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Mpfuletelo 22:3

Kungahativa ni kurukiwa ni kan'we ku wone, Kutani kone Kutava ni xiluvelo xa Xikwembu Nkulukumba ni xa Hambana, kutani a malandra yake matamutirela.

Mpfuletelo 7:15

Hi swoleswo vayimiki amahlweni ka xitrhamu-xa-vufumi xa Xikwembu Nkulukumba, na vamutirela nhlikanhi ni vusiku aTempeleni drakwe; mfuri lweyi atrhamiki axitrhan'wini-xa-vufumi, atanalavutela a tende drakwe a henhla kwavu.