Mpfuletelo 20:10 - Testamente Ledrimpswha ni Mapsalma

¹⁰ Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 20:10 ပူးပေါင်းရင်းမြစ်များ

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Mt 7:15

Tivonelani ku vaprofeta va madrimi, lava vataka ku n'wine na vayambali swanga tihamba, kambe hi le ndreni i mahava lawa mahahlulaka.

Marka 9:44

Laha swivungu swingafikiki ni laha ndrilo wungatimekiki.]

Mpfuletelo 16:13

Nivona mimoya miraru leminfani, swanga makhele, mihuma non'wini wa dragoni ni le non'wini wa xihari xa kulebya, ni le non'wini wa muprofeta wa madrimi,

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 20:8

Atahuma akuva akanganyisa matiko hinkwawu ku mune wa makhona ya misava, Gogi na Magogi, atama hlengeletela a kulwa; a nhlayo ya swoleswo yi fana ni misava ya lwandle.

Mpfuletelo 9:17

Xileswo, axivonisweni lexo, nivoni a mahanxi ni vakhandriyi va wone na vani switlhangu swa ndrilo, ni swa yasinta, ni xivavula (enxofre); a tinhloko ta mahanxi afa tifana ni tinhloko ta tinghonyama, amilon'wini ya tone afa kuhuma ndrilo, ni musi, ni xivavula.