Mpfuletelo 2:23 - Testamente Ledrimpswha ni Mapsalma

²³ Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

Mpfuletelo 2:23 ပူးပေါင်းရင်းမြစ်များ

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Lk 16:15

Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.

Yohana 21:17

Atlhela aku ku yene dra vuraru: Simoni, n'wana Yohana, xana wanirandra xana? Petrosi avaviseka hi mhaka ya leswi amuvutisiki dra vuraru aku: Xana wanirandra xana? Kutani aku ku yene: Hosi, utiva hinkwaswu, waswitiva leswaku nakurandra. Yesu aku ku yene: Byisa tihamba tanga.

Yohana 4:16

Yesu aku ku yene: Famba, uya vitana nuna waku, n'wita halenu.

Mintiro Ya Vapostola 1:24

Kutani vakhongota vaku: Hosi, wene utivaka a mbilu ya mun'wana-ni-mun'wana, hikombe ku lava vabiri, lweyi umuhlawuliki,

Rm 14:12

Hikolahu-ke, mun'wana-ni-mun'wana weru ata tiyangulela mahlweni ka Xikwembu Nkulukumba.

Rm 8:27

Yene Lweyi avonaka ndreni ka timbilu, ativa leswi a Moya wuswinavelaka, hikusa hi kurandra ka Xikwembu Nkulukumba, hileswaku wukhongotela tinsasi.

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Gl 6:5

Hikuva mun'wana-ni-mun'wana atatitekela ntrhwalu wakwe.

Va-Heberu 4:13

Mfuri akuna xivumbiwa lexi xifihliwiki xingavonekisiwiki amahlweni kwake, kambe hinkwaswu swe dlaa, swi le livaleni, amahlweni ka lweyi hifanekelaka kutiyangulela.

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

Mpfuletelo 2:11

Lweyi angani tindleve ayingiseti leswi a Moya wuswibyelaka a makereke. A muhluli angatxuki akuma a kuvavisiwa hi lifu dra vubiri.

Mpfuletelo 2:7

Lweyi angani tindleve ayingiseti leswi a Moya wuswibyelaka a makereke: Ku muhluli, nimunyika a kuda a mihandru ya nsinya wa vutomi, lowu wunga Paradiseni dra Xikwembu Nkulukumba.

Mpfuletelo 20:12

Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.

Mpfuletelo 20:13

A likhulu drinyikela vafi lava afaka vali ku drone, a lifu ni gehena na swone swinyikeli a vafi va swone, na mun'wana-ni-mun'wana atremeliwa tremo hi mintiro yake.

Mpfuletelo 22:12

Vonani! Nata naningahlweli, nita ni hakelo, akuva ni nyika mun'wana-ni-mun'wana swanga hi mintiro yake.

Mpfuletelo 6:8

Kutani nilavisa, nivona a hanxi dra halandi, ni lweyi afaka atrhami henhla ka drone, afaka ani vito dra ku Lifu, na alandriwa hi Hades (tiko dra vafi), kutani vanyikiwa a ntamu henhla ka xiyenge xa vumune xa misava hinkwayu, akuva vasuvisa hi lipanga, ni hi ndlala, ni hi lifu, ni hi swihari swa kulebya swa misava.