Mpfuletelo 2:19 - Testamente Ledrimpswha ni Mapsalma

¹⁹ Nitiva a mintiro yaku, ni lirandru draku, ni vupfumeli byaku, ni kutirela kwaku, ni kutiyisela kwaku ni mintiro yaku ya vugamu, mitlulaka a ya kusungula.

Mpfuletelo 2:19 ပူးပေါင်းရင်းမြစ်များ

Lk 1:23

Loko Zakariya aheti masiku ya ntiro a Tempeleni, atlheleli kaya.

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Va-le-Kolosa 3:14

A henhla ka hinkwaswu, vanani ni lirandru, xinga xitrimbo xa kuhetiseka.

I Tsl 3:6

Kambe leswi Timotewu abuyiki swoswi, atatava na hine na ahitisela madrungula manene ya vupfumeli byenu ni lirandru, ni leswi n'wihidrimukisaka xiswone minkama hinkwayu, n'winikuhlunyela ngopfu kuhivona, swanga hileswi na hine hin'wihlunyelaka,

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

II Ptr 1:7

hi vukhongoti, n'wirandrana, hi kurandrana ka lirandru.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.