Mpfuletelo 2:14 - Testamente Ledrimpswha ni Mapsalma

¹⁴ Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

Mpfuletelo 2:14 ပူးပေါင်းရင်းမြစ်များ

Mt 18:7

Yowee misava hinkonta ya swikhunguvanyiso! Hikuva a swikhunguvanyiso swifanela kuhumelela; kambe yowee a mhunu lweyi a swikhunguvanyiso swihumelelaka ha yene!

Mintiro Ya Vapostola 15:29

N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!

Mintiro Ya Vapostola 21:25

Loko kuli lava vanga va-Matiko kambe vapfumeliki, hine havatraleli leswaku vatitrona leswi switlhabyeliwiki swifaniso, ni ngati ni leswi swakufa hi xihluku, ni vumbuye.

Rm 11:9

Kutani na yene Davida ali: Na yone a minkhuvu yavu amindruluki mintlhamu ni mabohelo, akuva vawa vatakhatisiwa.

Rm 14:13

Hi leswo, ahi trikeni kusolana van'we ni van'wana. Trema mhaka yaku ungayentxe ntxhumu lexi khunguvanyisaka vambeni kumbe kuwela xihonweni.

Rm 14:21

I swa hombe unga di nyama ni kunwa vhinyo nambi ku kuyentxa xa ntxhumu lexi susaka makwenu akupfumeleni awela xihonweni.

Rm 9:32

Ha yini ke xana? Hikusa aswipfanga ku pfumeleni, kambe ntsena swive swanga hi mintiro. Xileswo vakhunguvanyekeli aribyeni ledri drivawisiki,

I Kor 1:23

kambe hine hihuwelela Kriste lweyi avambiwiki axihambanwini, leswi swinga xikhunguvanyiso ku va-Yuda na kone swinga vusinge ku va-Matiko.

I Kor 7:2

Kambe hinkonta ya leswi kungani vuwoswi ni vumbuye, a wanuna mun'wana-ni-mun'wana aveni nsati wakwe, ni wansati mun'wana-ni-mun'wana aveni nuna wakwe.

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.

II Ptr 2:15

Vatrutrumi a ndleleni leya kululama, va lahleka, valandri ndlela ya Balaami, n'wana Bosori, lweyi angarandra xihiwa xavusomboloki;

Yd 1:11

Yowee ku vone! Hikusa vafambi hi ndlela ya ka Kayim, hikunavela hakelo, vatrutrumeli xihonweni xa Balaami, vasuvi akukaneteni ka Kora.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Mpfuletelo 2:4

Kambe nini lexi nixisolaka ku wene: hileswaku a lirandru draku dra kusungula udritrikile.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.