Mpfuletelo 19:7 - Testamente Ledrimpswha ni Mapsalma

⁷ Ahi trhaveni, hi trhavisisa niku munyika kutwala; hikusa kutlhasi nkama wa nkhuvu wa vukati bya Hambana, a mutekiwa wa yone a tibekisile.

Mpfuletelo 19:7 ပူးပေါင်းရင်းမြစ်များ

Mt 1:20

Atiki apimisa a kuyentxa leswo, a ntrumi ya HOSI yihumelela ku yene anorweni yimubyela yiku: Yosefa n'wana Davida, ungatxhavi a kutitekela Maria a nkataku, hikusa a nyimba leyi angana yone yipfa ku Moya wa Kuxwenga.

Mt 22:2

A Mfumu wa Matilo wufana ni mufumi lweyi angahamba a nkhuvu wa vukati bya n'wanake wa wandrisanyana.

Lk 12:36

Fananani ni lava valaviselaka n'winyi wavu, loko atabuya apfa nkhubyini, akuva ataku akubuyeni kwake, agongondra, vahatla vamupfulela.

Yohana 3:29

A n'winyi wa mutekiwa hi muteki. Kambe a n'winyi wa ndlela ayingiseta muteki, atrhava swinene hi kumuyingela. Kolahu-ke a kutrhava kwanga loku, swoswi kuhetisekile.

II Kor 11:2

Hikuva nan'wihisekela hi hisekelo dra Xikwembu Nkulukumba; hikusa ni n'wibekisile akuva nita n'wikombisa swanga wanhwanyana wa kukala angasina tiva wa nuna, lweyi a basiki, abuteliwaka nuna mun'we ntsena, inga Kriste.

Ef 5:23

hikusa a nuna hi yene nhloko ya wansati, swanga ha Kriste anga nhloko ya Kereke, hileswi Yene angamuhuluxi.

Ef 5:32

A xihundla lexi i xikulu, nikhanela ha Kriste ni hi Kereke.

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

Mpfuletelo 11:13

Ankameni wolowo kavi ni kutrekatreka kukulu ka misava, kutani a xiyenge xa vukhume xa muti xihohloka, kudlawa hinkonta ya kutrekatreka loko ka misava, ntlhanu wa makume na makume mabiri ya madzana ya vhanu (7.000); kasi lava vasaliki vakhomiwi hi ntxhavu wukulu, vadrumisa Xikwembu Nkulukumba wa Matilo.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Mpfuletelo 21:2

Kutani ni voni ni muti wa Kuxwenga, Yerusalema lwe mumpswha, lwe afaka axika hi le Tilweni ku Xikwembu Nkulukumba. Apfa na axongi swanga hi mulovoliwa lweyi atilungiseliki kutlhangaveta muteki wakwe.

Mpfuletelo 21:9

Kutani kuta yin'we ku tintrumi leti ta ntlhanu na tibiri, leti afaka tili ni mintrheko ya ntlhanu na yibiri avokweni, na yitali hi ntlhanu wa makhombo na mabiri ya vugamu, yiku ku mine: Tana halenu! Nitakukomba mutekiwa, a nsati wa Hambana.