Mpfuletelo 17:17 - Testamente Ledrimpswha ni Mapsalma

¹⁷ Ave Xikwembu Nkulukumba lweyi avanhingenisiki leswi timbilwini tavu, akuva vayentxa a kungu drakwe. Hileswo-ke vata yentxa kun'we hi kutwanana ni kunyika mfumu wavu hinkwawu ku xihari xa kulebya, kukota kuhetiseka maritu ya Xikwembu Nkulukumba.

Mpfuletelo 17:17 ပူးပေါင်းရင်းမြစ်များ

Lk 22:22

Hikusa N'wana wa Mhunu asuka swanga hi leswi ayimiseliwiki swone hi Xikwembu Nkulukumba; kambe yowee a mhunu lweyi awongiwaka hi yene!

Lk 22:3

Kambe Sathana anhingena ku Yudasi, lweyi ahlayiwaka Iskariyota, lweyi afaka ali wa lava vakhume na vabiri.

Lk 22:37

Hikusa nan'wibyela nili: leswi swingatraliwa leswi swiliki: Ahlayiwi ni vadohi, swahafanekela kuhetiseka ku mine. Hikusa leswi swihlayiwiki ha mine swini kuhetiseka.

Yohana 10:35

Loko Xikwembu Nkulukumba atxhuli swikwembu lava vangayamukela a ritu drakwe, (na kasi a Matralwa amana kuhelisiwa),

Yohana 13:18

Anihlayi n'wine hinkwenu; navativa lava nivahlawuliki; kambe hileswaku a tralwa drihetiseka, ledri dringaku: Lweyi adaka na mine kati, anitlakuxeli xirendre.

Yohana 13:2

Kutani, loko vatrhami kudeni, Diyavulosi afa abeki khale ambilwini ya Yudasi Iskariyota, n'wana Simoni arengu dra kuwonga Yesu.

Yohana 19:24

Kutani vabyelana, vaku: Hingawuhandruleni, kambe ahiwuyentxeleni mpswhampswha, hitativa leswaku wutava wa mani. Hileswaku Tralwa drihetiseka, ledri dringaku: Vayavelani swiyambalo swanga vayentxi mpswhampswha hi nkhantxu wanga. Hi swoleswi a masotxha mangayentxa swone.

Yohana 19:28

Yesu, hi kutiva leswaku hinkwaswu swihetisekile, ahlaya, akuva tralwa drihetiseka, aku: Nini tora.

II Kor 8:16

Akutlangeliwe Xikwembu Nkulukumba lweyi abekiki mbilwini ya Tito akunavela ka kufana ni kweru ka kun'wipfuna.

Mpfuletelo 10:7

kambe amasikwini ya ntrumi ya vuntlhanu na tibiri, loko yitayimba a nanga, kutahetiseka a xihundla xa Xikwembu Nkulukumba, swanga hi leswi yene ativisiki ku malandra yake, a vaprofeta.

Mpfuletelo 15:1

A ntrhaku ka leswo ni vona xin'wana xikombiso lexikulu xa kuhlamalisa tilweni: ntlhanu wa tintrumi na tibiri leti afaka tilini ntlhanu wa makhombo na mabiri ya vugamu, hikusa ku wone kuhetiseka a mahlundru ya Xikwembu Nkulukumba.

Mpfuletelo 17:13

Vone vani miyanakanyu min'we ya kunyika ntamu ni vufumi byavu a xihari xa kulebya.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Mpfuletelo 6:11

Kutani vanyikiwa, mun'wana-ni-mun'wana a xiyambalu xa ntlhohe, vava vabyeliwa leswaku vawisa hi nkamanyana wutrongo, kukondra kutlhanganisiwa a nhlayo ya malandra-kulobye ni vamakwavu lava na vone afaka vatadlayiwa swanga ha vone.