Mpfuletelo 16:14 - Testamente Ledrimpswha ni Mapsalma

¹⁴ hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

Mpfuletelo 16:14 ပူးပေါင်းရင်းမြစ်များ

Mt 24:14

Kutani a Ivangeli ya Mfumu yitareriwa akuva byiva vumboni amisaveni hinkwayu; ntrhaku hi kone kutakata vugamu.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Lk 2:1

Aminkameni leyo kuhumexiwi nawu hi mufumi-nkulu Khezari Augusto wa leswaku, a vhanu hinkwavu va tiko vayatralisa mavito.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Rm 1:8

A kusungula nitlangela Xikwembu Nkulukumba wanga ha Yesu Kriste, hinkonta yenu hinkwenu, hikusa amisaveni hinkwayu kukhaneliwa hi kupfumela kwenu.

II Tsl 2:9

A musomboloki atahumelela hi ntamu wa Sathana, atanyika swikombiso swa ntamu wukulu hi mahlolana ya kuka ndlela, ni swikombiso.

I Tmt 4:1

A Moya wahlayisisa leswaku, aminkameni ya vugamu, van'we vatatlhelela ntrhaku avupfumeleni, vayingisetisisa a mimoya kukanganyisa, ni kulandra tidondro ta mademoni,

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 13:3

Kutani, ni vona yin'we kutinhloko ta xone swanga hi loko yitlaviwela kufa, kambe a mbanga ya lifu dra xone afa yi holisiwile. Kutani misava hinkwayu afa milandra xihari lexi na mixihlamala.

Mpfuletelo 16:16

Ntrhaku mihlengeletela vafumi a mbangwini lowu hi xiheberu wuhlayiwaka Armagedoni.

Mpfuletelo 16:7

Niyingela ritu dripfa xiluvelweni driku: Kunene, Hosi Xikwembu Nkulukumba wa Ntamu hinkwawu! A tremo draku i dra xihlayelamfuri ni dra kululama.

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 20:8

Atahuma akuva akanganyisa matiko hinkwawu ku mune wa makhona ya misava, Gogi na Magogi, atama hlengeletela a kulwa; a nhlayo ya swoleswo yi fana ni misava ya lwandle.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 6:17

hikusa kutlhasi a siku drikulu dra kuhlundruka kwavu, hi mani-ke lweyi angakotaka kuyima atiya?