Mpfuletelo 14:6 - Testamente Ledrimpswha ni Mapsalma

⁶ Ntrhaku ni voni yin'wana ntrumi yi hahaka makari ka tilo, afa yili ni Ivangeli leyi yingahelikiki, akuva yi drungulela lava yakiki misaveni, ku hinkwawu matiko, ni tinxaka ta vhanu, ni tindrimi.

Mpfuletelo 14:6 ပူးပေါင်းရင်းမြစ်များ

Mt 10:27

Leswi niswihlayaka amunyameni, swihlayani alivaningweni, ni leswi n'wihleveteliwaka atindleveni, swirerani a henhla ka tiyindlu.

Marka 16:15

Ntrhaku aku ku vone: Fambani amisaveni hinkwayu, n'wiyarera a Ivangeli ku swivumbiwa hinkwaswu.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

I Ptr 1:25

kambe a Ritu dra Hosi drikone hi la kungahelikiki. A Ritu ledri anga Ivangeli leyi n'witivisiwiki yone.

Mpfuletelo 10:11

Kolahu nibyeliwa leswi: Kudjuleka leswaku utlhela uprofeta mayelano ni vhanu va-Matiko, ni tindrimi, ni vafumi vanyingi.

Mpfuletelo 10:7

kambe amasikwini ya ntrumi ya vuntlhanu na tibiri, loko yitayimba a nanga, kutahetiseka a xihundla xa Xikwembu Nkulukumba, swanga hi leswi yene ativisiki ku malandra yake, a vaprofeta.

Mpfuletelo 13:7

Nakone xinyikiwa ntamu wa kulwa ni valulami, ni kuvahlula. Xinyikiwi mfuri ni kufuma henhla ka tinxaka hinkwatu ta vhanu, ni tindrimi, ni matiko.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Mpfuletelo 8:13

Nakone nivoni niva niyingela a gama ledri afaka drihaha amakari ka tilo, na drihlaya hi ritu ledrikulu driku: Yowee! Yowee! Yowee ku lava vayakiki amisaveni, hikola ka mpfumawulu lowu wahasaliki wa tinanga, ta tintrumi tiraru leti titakayimba a nanga!