Mintiro Ya Vapostola 26:3 - Testamente Ledrimpswha ni Mapsalma

³ hikusa uswitivisisa ngopfu a swihila swa va-Yuda, ni makanetanela hinkwawu lawa manga makari kwavu; hi leswo-ke nakukombela leswaku uniyingiseta hi kulehisa mbilu.

Mintiro Ya Vapostola 26:3 ပူးပေါင်းရင်းမြစ်များ

Mintiro Ya Vapostola 21:21

Kambe vabyeliwi mayelano na wene leswaku udondrisa va-Yuda hinkwavu, lava trhamisaka amakari ka va-Matiko a kutravukana ni nawu wa Moxe, uku: Vangahasokisi a vana vavu, vangahafambi hiswihila swavu.

Mintiro Ya Vapostola 24:10

Pawulosi, kuti loko a hosi amukwehletela akuva avulavula, ayangula aku: Leswi nitivaka leswaku uvi mutremi wa tiko ledri hi malembe ya kuhlawa, nitiyangulela hi kudumba loku kuhundrisaka,

Mintiro Ya Vapostola 24:4

Kambe, akuva ningakukhomi hikukuhetela a nkama, nakukhongota leswaku uyingela hi vumbilu byaku a maritunyana yeru.

Mintiro Ya Vapostola 25:26

Kambe mine anina ntxhumu wa kutiya ningatralelaka Khezari hi tlhelo drakwe, hi laha ke nimutisiki amahlweni kwenu, ngopfu-ngopfu amahlweni kwaku, mufumi Agripa, akuva nitativa leswi nitakatrala swone, loko n'witava n'wimukambile.

Mintiro Ya Vapostola 26:2

Atimhakeni hinkwatu leti nirambeliwaka ha tone hi va-Yuda, we hosi Agripa, nili nikatekile namuhla, leswi nifanelaka kutiyangulela amahlweni kwaku;

Mintiro Ya Vapostola 26:26

Hikusa awaswitiva hinkwaswu a mufumi, lweyi nikhanelaka hi kutiyisela amahlweni kwake, hikusa nakholwisisa leswaku ni mun'we ku mintxhumu leyi mifihlekile ku yene, hikuva akuna ntxumu wuyentxiwiki axihundleni.

Mintiro Ya Vapostola 26:7

Hikola ka xidumbiso lexo, a tinxaka teru ta khume na tibiri titiyisaka a kutirela Xikwembu Nkulukumba, vusiku ni nhlikanhi. I hinkonta ya kudumba loko, we hosi Agripa, nirambeliwaka hi va-Yuda.

Mintiro Ya Vapostola 28:17

A ntrhaku ka masiku mararu, yene ahlengeleta a vakulu va va-Yuda, vatiki vahlengeletanile, aku ku vone: Vavanuna, vamakweru, mine nambi ningayentxanga ntxhumu lexi xihambanaka ni vhanu, ni swihena swa vatatana veru, nasusiwi Yerusalema, hi va-Yuda na nibohiwile, ninyiketiwa mandleni ya va-Roma;

Mintiro Ya Vapostola 6:14

hikuva hitrhama hikumuyingela na ahlaya leswaku Yesu, mu-Nazarete, atahohlota a mbangu lowu, ni kundruluta swihila leswi Moxe ahinyikiki.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.