Marka 8:34 - Testamente Ledrimpswha ni Mapsalma

³⁴ Kutani avitana a xitrhungu kun'we ni vadondrisiwa vakwe, aku ku vone: Loko a mhunu arandra a kunilandra, atiyale, atirwexe xihambano xakwe anilandra.

Marka 8:34 ပူးပေါင်းရင်းမြစ်များ

Mt 10:38

Lweyi angarwalikiki a xihambano xakwe anilandra anganifaneli.

Mt 16:24

Yesu ahangaku ku vadondrisiwa vakwe: Loko mhunu arandra a kunilandra atiyale, atirwexe xihambano xakwe anilandra.

Mt 27:32

Loko vahuma, vakuma a wanuna lweyi valiki i Simoni wa le Kirene, lweyi vamusindrisiki a kubyatrha a xihambanu xa Yesu.

Marka 10:21

Kambe Yesu amulavisa, amurandra, aku ku yene: I xin'we ntsena lexi upfumalaka xone; famba uyaxavisa hinkwaswu leswi unganaswu unyika a mali ku swisiwana, kutani utavani nhlengwe atilweni. Ntrhaku tana unilandra.

Marka 7:14

Yene ayengeta avitana a xitrhungu aku ku xone: Niyingelani hinkwenu n'wiva n'wiyingelisisa.

Lk 13:24

Khinyelani kunhingena hi nyangwa leyi ya kukhuma hikusa nan'wibyela, lava vanyingi vatadjula kunhingena kambe vatahluleka.

Lk 14:33

Hileswo-ke, lweyi ku n'wine angatrikiki hinkwaswu leswi anganaswu, angana kuva mudondrisiwa wanga.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Lk 20:45

A tiko hinkwadru driku na drimuyingela, Yesu aku ku vadondrisiwa: Tivonani ku vadondrisi va Nawu lava varandraka kuratela, na vayambali swiyambalu leswi swakuleha, varandra ni kulosiwa tihubyeni.

Lk 9:23

Kutani aku ku hinkwavu: Loko mhunu adjula kuva mudondrisiwa wanga, aatiyale, aatirwexe xihambano xakwe hi siku drin'wana-ni-drin'wana, kutani anilandra.

Yohana 10:27

A tihamba tanga tiyingela ritu dranga. Tadritiva, kutani tanilandra.

Yohana 19:17

Kutani Yesu ahuma na abyatrhi xihambanu xakwe, aya mbangwini lowu afaka vaku i Pala hi Xiheberu Golgota.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

I Kor 15:31

Mine nafa siku drin'wana-ni-drin'wana; vamakweru, nifunga swoswo, swanga hi leswi ningani kutitwalisa ha n'wine ku Yesu Kriste, Hosi yeru.

I Kor 8:13

Hileswo-ke, loko a swakuda swikhunguvanyisa a makweru, ningaka ningahadi nyama ni siku ni drin'we, akuva ningatitxhuka nikhunguvanyisa a makweru.

I Kor 9:19

Hikuva nambi nitrunxekile ku hinkwavu, nitiyentxi a nandra wa hinkwavu, akuva nitakuma lava vanyingi.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

Va-le-Filipiya 3:7

Kambe leswi afaka swili bindru ku mine, ni swiyentxi swaku ka ndlela hinkonta ya Kriste.

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

II Tsl 3:11

Hiyingeli kuhlayiwa leswaku halanu kufamba-famba vakukari vangayentxikiki ntxhumu, kumbe vatitata hiswakuka lisima.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Va-Heberu 13:13

Hileswo-ke ahiyeni ku Yene a handle ka magovela, hi rwala xisandru xakwe.

I Ptr 4:1

Leswi-ke Kriste axanisekiki anyameni, na n'wine hi mayanakanyela wolawo randranani, hikusa lweyi axanisekiki anyameni, atravukani ni xidoho,

I Ptr 4:13

kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

II Ptr 1:14

nadumba leswaku nita hatla nitrika a ntronga wanga, swanga hileswi nipfuleteliwiki hi Hosi yeru Yesu Kriste.

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.