Marka 5:7 - Testamente Ledrimpswha ni Mapsalma

⁷ abandlukana aku ku yene: Udjula yini ku mine wene Yesu, N'wana wa Xikwembu Nkulukumba lweyi anga Henhla-henhla? Nikukombela hi kuhlambanya hi Xikwembu Nkulukumba, unganixanise!

Marka 5:7 ပူးပေါင်းရင်းမြစ်များ

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mt 26:63

Kambe Yesu amiyela. Kutani a muprista lwenkulu aku ku yene: Nikufungisa hi vito dra Xikwembu Nkulukumba lweyi ahanyaka, leswaku uhibyela loko ali wene Kriste N'wana wa Xikwembu Nkulukumba!

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Mt 8:29

kutani vasungula kubandlukana vaku: Udjula yini ku hine, N'wana wa Xikwembu Nkulukumba! Uti halenu kuta hixanisa na nkama wungasitlhasa, xana?

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Marka 14:61

Kambe Yesu amiyela angayanguli ntxhumu. Kolahu a muprista lwenkulu atlhela amuvutisa aku: Hi wene Kriste, N'wana wa Xikwembu Nkulukumba lweyi akhensiwaka, xana?

Marka 3:11

Na vone lava afaka vani mimoya leyi mimfani, loko vamuvona, vamukhisamela, kutani a mimoya leyi mimfana leyi afaka mili ku vone mibandlukana miku: Wene, u N'wana wa Xikwembu Nkulukumba.

Marka 5:6

Atiki avona Yesu, na ahali kule atrutruma, atatawa hi matrolo aminengeni yake,

Marka 5:8

Hikusa afa aku ku yene: We moya lowu mfani, huma ku mhunu lweyi.

Lk 1:32

Yene atava nkulu, atahlayiwa N'wana wa Lweyi wa le henhla-henhla; Hosi, Xikwembu Nkulukumba atamunyika a xitrhamu-xa-vufumi xa Davida, tatana wakwe;

Lk 4:34

Ha! Amhaka yeru na wene hi yini, Yesu wa le Nazarete? Xana uteli kuta hi suvisa xana? Nakutiva lweyi unga yene, u Muxwengi lweyi arumiwiki hi Xikwembu Nkulukumba.

Lk 6:35

Kambe randrani a valala venu, n'wivayentxela leswi swinene, n'wiva n'wivolekisa na n'wingalaviseli hakelo. Hikone-ke a hakelo drenu dritakava drikulu, kutani n'witava vana va Xikwembu Nkulukumba wa le Henhla-henhla, hikusa na yene ani vumbilu ku lava vangativikiki kutlangela ni lava vamfani.

Lk 8:28

Loko avona Yesu, awa hi matrolo amahlweni kwake abandlukana aku: A mhaka yanga hi yini ku mine na wene Yesu, N'wana wa Xikwembu Nkulukumba wa le henhla-henhla! Nakukhongota, unganixanise!

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Mintiro Ya Vapostola 16:17

Yelweyo wanhwanyana alandra Pawulosi na hine, na abandlukana aku: A vavanuna lava i malandra ya Xikwembu Nkulukumba lweyi anga henhla-henhla, vateli kutatan'wikombisa a ndlela ya kuhuluka.

Mintiro Ya Vapostola 19:13

Kolahu van'we va va-Yuda, afaka vafamba-famba, na vali vahlongoli va mimoya leyi mimfani, vadringisa kuvitanela a vito dra Hosi Yesu ahenhla ka va mimoya leyi mimfani, na vaku: Han'wileleta hi vito dra Yesu, lweyi Pawulosi amutivisaka, humani!

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Rm 16:20

Xikwembu Nkulukumba lweyi a nyikaka kurula, atahatla apswhandlasa Sathana a hansi ka minkondro yenu. Ingi a Hosi yeru Yesu Kriste angan'witovokisa.

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

Va-Heberu 7:1

Hikusa Melkisedeki yelweyi afa ali mufumi wa Salema ni muprista wa Xikwembu Nkulukumba wa le henhla-henhla, lweyi anga tlhangaveta Abrahamu loko abuya hi le kudlayeni ka vafumi, kutani amutovokisa.

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

II Ptr 2:4

Ke, loko Xikwembu Nkulukumba angatretrelelanga tintrumi loko tidohile, kambe atitxukumetile a gehena, atinyiketa akheleni dra munyama lana tinyimelaka siku dra yavanyiso.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

Yd 1:6

Ni tintrumi leti tingabekisangakiki xiyimu xa tone, kambe tisukeli ambangwini wa tone, Yene atibekisile amunyameni hi timpentxana leti tingahelikiki, kukota kutlhasa tremo dra siku ledrikulu.

Mpfuletelo 12:12

Hileswo-ke trhavani matilo, na n'wine n'wiyakiki kone! Kambe yowee ku lava vayakiki misaveni ni le likhulwini, hikusa Diyavulosi axikeli ku n'wine na tali hi mahlundru lawa makulu, hi kutiva leswaku a nkama lowu anga nawu i wutrongo.