Lk 7:47 - Testamente Ledrimpswha ni Mapsalma

⁴⁷ Hileswo-ke nili ku wene, a swidoho swake leswi swinyingi swidrivaleliwile ku yene, hikusa anirandri ngopfu. Kambe a mhunu lweyi adrivaleliwaka kutrongo, akombisa kutrongo a lirandru.

Lk 7:47 ပူးပေါင်းရင်းမြစ်များ

Mt 10:37

Lweyi arandraka a tatana wakwe kumbe mamana wakwe kutlula mine, anganifaneli; ni lweyi arandraka ngopfu a n'wanakwe wa xinuna kumbe wa xisati kutlula mine anganifaneli.

Lk 7:39

Atiki Simoni mufarisi aswivona, apimisa aku: Loko fanga mhunu lweyi ali muprofeta, ana aswitivile leswaku a nsati lweyi amukhumbaka i mhunu muni, ni leswaku i mudohi.

Lk 7:46

Awutotanga nhloko yanga hi mafura, kasi yene anitoti a minenge hi mafura yakunun'hwela.

Lk 7:48

Ahangaku ku lweyi wansati: Udrivaleliwi swidoho swaku.

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

II Kor 5:14

A lirandru dra Kriste dra hisindrisa, hiyanakanya leswi swaku: Mun'we a feli hinkwavu; kolahu, hinkwavu va file.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Ef 6:24

Atimpswalu ative na n'wine hinkwenu lava randraka Hosi yeru Yesu Kriste hi kudumbeka hinkwaku. Amen!

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

I Yhn 3:18

Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

I Yhn 4:19

Hine hini lirandru hileswi Yene ahirandriki kusunguleni.

I Yhn 5:3

Hikusa leswo hi drone lirandru dra Xikwembu Nkulukumba leswaku hibekisa a swileleto swake. Kutani a swileleto swake aswibindri,