Lk 7:39 - Testamente Ledrimpswha ni Mapsalma

³⁹ Atiki Simoni mufarisi aswivona, apimisa aku: Loko fanga mhunu lweyi ali muprofeta, ana aswitivile leswaku a nsati lweyi amukhumbaka i mhunu muni, ni leswaku i mudohi.

Lk 7:39 ပူးပေါင်းရင်းမြစ်များ

Mt 20:16

Hi swoleswo, a va vugamu vatava va kuranga; ni va kuranga, vatava va vugamu.

Mt 21:11

A switrhungu afa swiku: Lweyi i muprofeta Yesu, wa le Nazarete wa Galileya.

Marka 7:21

Hikusa andreni kwake kuhuma miyanakanyu leyi mimfani ni vumbuye, ni kuyiva, ni kudlaya,

Lk 12:17

Yene atiyanakanyela mbilwini yake aku: Nitayentxa yini, leswi ningekena mbangu lowu ninga hlengeletaka mihandru yanga ku wone?

Lk 15:2

A Vafarisi ni vadondrisi va Nawu van'unun'utela vaku: Lweyi, ayamukela vadohi ada navu.

Lk 16:3

A mulaviseli atiyanakanya aku: Nitayentxa yini, leswi an'winyi wanga anitekelaka vulaviseli byanga? A kudrima nahluleka; a kukombela nini tingana.

Lk 18:4

Kambe kuhela nkama na angapfumeli. Kambe antrhaku ka swone atiyanakanya aku: Nambi ningatxhavi Xikwembu Nkulukumba, ningahlayi leswaku mhunu i ntxhumu,

Lk 3:8

Bekani mihandru leyi mifambelanaka ni kundruluka kwenu, n'wingahlayi leswaku: Hina Abrahamu anga tatana weru! Hikusa nan'wibyela leswaku Xikwembu Nkulukumba angaswikota kundruluta a maribye lawa mava vana va Abrahamu.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Lk 7:37

Loko mun'we wansati wa mudohi lweyi afaka ali kone mutini wolowo ativi leswaku Yesu atrhami akudeni andlwini ya mufarisi, abuyisa a khuwana dra mhemba na dritali hi mafura yakunun'hwela.

Lk 7:38

Ayima hi le ntrhaku ka Yesu aminengeni yake, adrila, asungula kutranisa minenge yake hi minyembeti, amisula hi misisi yake, aminyunta, a mitota hi mafura.

Lk 7:40

Yesu aku ku mufarisi: We Simoni nini mhaka leyi nidjulaka a kukubyela yone. Yene aku: yihlaye, Mudondrisi.

Yohana 4:19

A wansati aku ku yene: Hosi, naswivona leswaku u muprofeta.

Yohana 7:12

Afa kuni kun'unun'uta kunyingi axitrhungwini hi mhaka yake. A van'wana afa vaku: I mhunu munene! A van'wana vaku: Im'hi, akanganyisa xitrhungu.

Yohana 9:24

Vatlhela nangweso vavitana mhunu lweyi afaka ali wa kufa mahlu, vaku ku yene: Twalisa Xikwembu Nkulukumba! Hine haswitiva leswaku a mhunu lweyo i mudohi.