Lk 6:49 - Testamente Ledrimpswha ni Mapsalma

⁴⁹ Kambe lweyi ayingelaka leswi niswihlayaka na angaswiyentxi, afana ni mhunu lweyi ayakiki a yindlu yake apfunyeni na yingena masungulu ya kutiya. A nambu wutala wuyiba hi ntamu, yiwa, yimbundrumukela.

Lk 6:49 ပူးပေါင်းရင်းမြစ်များ

Mt 23:3

Hinkwaswu leswi van'wibyelaka swone swiyentxani, n'wiva n'wiswibekisa; kambe n'wingalandri a mintiro yavu, hikusa vahlaya kambe avayentxi.

Mt 24:10

Hi nkama lowo lava vanyingi vatakhunguvanyisiwa, vatawongana, ni kuvengana.

Marka 4:17

kambe avana mitru andreni kwavu, i va nkamanyana ntsena. A ntrhaku-ke, loko a nhlomulo kumbe kuxaniseka hinkonta ya ritu dra Xikwembu Nkulukumba, swihumelela, vakhunguvanyeka vatrika xikan'we.

Lk 12:47

A nandra lweyi ativaka a kurandra ka n'winyi wakwe, ava angabekisi, anga yentxi kurandra kwake, atakhatisiwa ngopfu.

Lk 19:14

Kambe a vatiko dra kwavu afa vamuvenga; varuma swirun'wa antrhaku kwake vaku: Ahiswirandri akuva lweyo afuma a henhla kweru.

Lk 19:27

Loko vali valala vanga, lava vangadjuliki leswaku niva mufumi wavu, vatisani kola n'wivadlaya amahlweni kwanga.

Lk 6:46

N'winihlayela yini: Hosi! Hosi! Na n'wingayentxi leswi nihlayaka swone?

Lk 6:48

afana ni mhunu lweyi ayakiki a yindlu, akeliki aribyeni kuyeta swinene, abeka kone a masungulu ya yindlu. A ntita yi tlhasa, a nambu wukukumuka, a mavimbi maba a yindlu leyo hi ntamu, kambe amakotanga kuyitrekatrekisa hikusa afa yiyakiwi swinene.

Lk 7:1

Loko Yesu aheti kuhlaya a maritu lawo avhanwini aya Kapernawume.

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Mintiro Ya Vapostola 20:29

Naswitiva mine leswaku, antrhaku ka kusuka kwanga, kutanhingena mahava lawa ya kulebya amakari kwenu, lawa mangatikilondrisa a ntlambi.

Mintiro Ya Vapostola 26:11

Amasinagogeni hinkwawu, ni vaxanisi ha kanyingi, nivasindrisa akuva vasandra vupfumeli byavu. Nivahlundrukela ngopfu, nivahlongola kuyatlhasa mitini ya va-Matiko.

I Tsl 3:5

Hileswo, na mine mfuri ningakotangikiki kurindrela, ni murumi akuva nitiva ta kupfumela kwenu, na nitxhava leswaku amuwongi angan'wiwongi, akuva ntiro weru wutandruluka lowu wungapfunikiki ntxhumu.

II Ptr 2:20

Hikolahu ka leswo, loko ntrhaku n'wihulukile kuhonekeni ka misava hi kutiva Hosi yeru ni Muhuluxi Yesu Kriste, amatrhamelo yavu mandruluki matlula lawa ya kusungula hi kubiha.

I Yhn 2:19

Vone vahumi makari kweru, kambe afa vange va kakweru. Loko afa vali veru afa vatava vatrhami na hine. Kambe va fambile akuva va vonekisiwa leswaku afa vange veru, na mun'we ku vone.