Lk 6:27 - Testamente Ledrimpswha ni Mapsalma

²⁷ Kambe nan'wibyela n'wine n'winiyingelaka nili ku n'wine: Randrani valala venu, yentxelani leswi swinene lava van'wivengaka.

Lk 6:27 ပူးပေါင်းရင်းမြစ်များ

Marka 4:24

Kutani ayengeta aku ku vone: Tivonelani ku leswi n'wiswiyingelaka! A mpimu lowu n'witakapima van'wana ha wone, hi wolowo n'witakapimiwa ha wone na n'wine hi Xikwembu Nkulukumba, mfuri n'witayengeseliwa.

Lk 23:34

Kutani Yesu aku: Tatana, vadrivalele, hikusa avaswitivi leswi vaswiyentxaka! Vayavelana swiyambalu swake, hi kuswihlahluva hi mpswhampswha.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

Lk 6:35

Kambe randrani a valala venu, n'wivayentxela leswi swinene, n'wiva n'wivolekisa na n'wingalaviseli hakelo. Hikone-ke a hakelo drenu dritakava drikulu, kutani n'witava vana va Xikwembu Nkulukumba wa le Henhla-henhla, hikusa na yene ani vumbilu ku lava vangativikiki kutlangela ni lava vamfani.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Lk 8:18

Hikolahu tivonelani, n'wiyingelisisa swinene; hikusa lweyi anganaswu, ata nyikiwa ngopfu; kambe lweyi angeke naswu, ata tekeliwa ni leswi ayanakanyaka leswaku anaswu.

Lk 8:8

Kambe axin'wana xiyenge xa timbewu tiwela amisaveni leminene, kutani timila, tinyika ntrhovelo wa kuxonga, tinyika dzana dra tinhleke yin'wana ni yin'wana. Kuku loko Yesu ahlayi leswo, atlakuxa a ritu aku: Lweyi angani tindleve ayingelisise!

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 16:28

Kambe Pawulosi abandlukana hi ritu dra kutlakuka aku: Ungayentxi leswo! Hikusa hinkweru hikola!

Mintiro Ya Vapostola 7:60

Ntrhaku akhisamiki na abandlukana hi ritu ledri drikulu aku: Hosi, ungavayavanyisi hinkonta ya xidoho lexi! Atiki ahlaya leswo, a fa.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

I Tsl 5:15

Lavisani leswaku kungavi ni lweyi atlheliselaka mun'wana kubiha hi kubiha, kambe djulisisani minkama hinkwayu swa hombe van'we ku van'wana ni ku hinkwavu.

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.