Lk 4:35 - Testamente Ledrimpswha ni Mapsalma

³⁵ Yesu awutshinya aku: Miyela, huma ku mhunu lweyi! A moya lowumfani wumutlatlalata mahlweni ka hinkwavu wuhuma, na wungamuvavisanga.

Lk 4:35 ပူးပေါင်းရင်းမြစ်များ

Mt 17:18

Yesu atshinya a demoni, drihuma, kutani andrisanyana ahanyisiwa hi nkama wolowo.

Mt 8:26

Yene avayangula aku: Ha yini n'wivani vutoya? Swipfumelinyana! Ahangasekeleka, akhwavela mheho ni mavimbi, kuva ni kurula loku kukulu.

Marka 1:26

A moya lowu mfani wutrekatrekisa nuna lweyo wubandlukana hi ritu ledri drikulu, wuhuma ku yene.

Marka 4:39

Yene apfuka, akhwavela mheho, yiyima ni mavimbi marula.

Marka 9:26

A moya wubandlukana wumutrekatrekisa hi ntamu wuhuma. A ndrisanyana andruluka swanga hi loko afile, lakakuva lava vanyingi vaku afile.

Lk 11:22

kambe loko lweyi amutlulaka hi ntamu ata, amuhlula, amutekela ni swihlomo leswi afaka a dumbi swone, ayava ni leswi aswiwutliki ku yene.

Lk 4:23

Yesu ahanga vayangula aku: Kunene n'witanibyela a xihlayahlaya, lexi xaku: We n'anga tihanyise ha swaku. Hinkwaswu leswi hi swiyingeliki leswaku u swiyentxi Kapernawume, swiyentxe ni kola tikweni draku.

Lk 4:39

Yesu akaramiki kusuhi na yene, akhwavela kuhisa ka miri, kutani kahanga mutrika. Hi nomu-lo apfuka, asungula kuvatirela.

Lk 4:41

Ni ku lava vanyingi afa kuhuma ni mademoni lawa afaka mabandlukana maku: Wene, u N'wana wa Xikwembu Nkulukumba! Kambe Yesu amakhwavela akuva mangakhaneli hikusa afa mamutiva leswaku i Kriste.

Lk 8:24

Kutani a vadondrisiwa vayapfuxa Yesu vaku: Mudondrisi! Mudondrisi! Ha suva! Yene apfuka, akhwavela a mheho ni mavimbi, hinkwaswu swimiyela, kuvani kurula.

Lk 9:39

a moya lowu mfani wamukhoma, abandlukana xikan'we, wumutrekatrekisa, wumutlhutlhisa ni duvi. Wumuxanisa wungamutriki antrhunxeka.

Lk 9:42

Loko a ntrongwana ahatrhindrekela ku Yesu, a moya lowu mfani wumutlatlalata, wumutrekatrekisa. Kambe Yesu akhwavela a moya lowu mfani, aholisa ntrongwana amutlhelisela ku tatana wakwe.

Mpfuletelo 12:12

Hileswo-ke trhavani matilo, na n'wine n'wiyakiki kone! Kambe yowee ku lava vayakiki misaveni ni le likhulwini, hikusa Diyavulosi axikeli ku n'wine na tali hi mahlundru lawa makulu, hi kutiva leswaku a nkama lowu anga nawu i wutrongo.