Lk 4:34 - Testamente Ledrimpswha ni Mapsalma

³⁴ Ha! Amhaka yeru na wene hi yini, Yesu wa le Nazarete? Xana uteli kuta hi suvisa xana? Nakutiva lweyi unga yene, u Muxwengi lweyi arumiwiki hi Xikwembu Nkulukumba.

Lk 4:34 ပူးပေါင်းရင်းမြစ်များ

Mt 8:29

kutani vasungula kubandlukana vaku: Udjula yini ku hine, N'wana wa Xikwembu Nkulukumba! Uti halenu kuta hixanisa na nkama wungasitlhasa, xana?

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Marka 1:34

Yesu ahanyisa lava vanyingi, lava vaxanisiwaka hi vuvabyi bya tinxaka-xaka, ahlongola ni mademoni manyingi. Nakone, afa angapfumeleli a mademoni a kuvulavula, hikusa afa mamutiva.

Marka 5:7

abandlukana aku ku yene: Udjula yini ku mine wene Yesu, N'wana wa Xikwembu Nkulukumba lweyi anga Henhla-henhla? Nikukombela hi kuhlambanya hi Xikwembu Nkulukumba, unganixanise!

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Lk 4:33

Asinagogeni afa kuni mhunu lweyi afaka ani moya wa demoni dra xambya, afaka abandlukana ngopfu, aku:

Lk 4:41

Ni ku lava vanyingi afa kuhuma ni mademoni lawa afaka mabandlukana maku: Wene, u N'wana wa Xikwembu Nkulukumba! Kambe Yesu amakhwavela akuva mangakhaneli hikusa afa mamutiva leswaku i Kriste.

Lk 8:28

Loko avona Yesu, awa hi matrolo amahlweni kwake abandlukana aku: A mhaka yanga hi yini ku mine na wene Yesu, N'wana wa Xikwembu Nkulukumba wa le henhla-henhla! Nakukhongota, unganixanise!

Lk 8:37

A vhanu hinkwavu va tiko dra Gerasi vasungula kukhongota Yesu leswaku asuka lahaya, hikusa afa vatxhava ngopfu, xiswoswo Yesu anhingena abyatrhwini, afamba.

Mintiro Ya Vapostola 16:39

A tindruna, titatakombela lidrivalelo, tivantrhunxa, tivatratriya kuva vahuma mutini.

Mintiro Ya Vapostola 2:27

hikusa ungaka ungatriki hika dranga a Hades, na swone ungaka unganyiketi Muxwengi waku avona kubola.

Mintiro Ya Vapostola 3:14

N'wiyali lweyi wa kuxwenga ni wa kululama, n'wavi n'wikombela kuva kuntrhunxiwa wanuna wa mudlayi.

Mintiro Ya Vapostola 4:27

Hikusa vatlhangani ha kunene, amutini lowu, kulwa ni Nandra waku lweyi wa kuxwenga, Kriste, lweyi umutotiki, vanga vone va Heroda na Ponciu Pilatu, kun'we ni va-Matiko ni tinxaka ta Israyele.

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

Mpfuletelo 20:2

yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi: