Lk 4:22 - Testamente Ledrimpswha ni Mapsalma

²² Hinkwavu afa vahlaya swakuxonga ha Yesu, vahlamala hi maritu ya kunyoxisa lawa amahlayaka. Vavutisa vaku: Xana yelweyi ahiye n'wana Yosefa xana?

Lk 4:22 ပူးပေါင်းရင်းမြစ်များ

Lk 2:47

Hinkwavu lava vamuyingelaka afa vahlamala hi vutlhari byake ni hi kuyangula kwake.

Lk 2:48

Loko vamuvona a vapswali vakwe, vahlamala ngopfu, kutani a mamana wakwe aku ku yene: N'wananga, xana uhiyentxeli yini leswo? A tatana waku na mine afa hi famba hikudjula na hivaviseka ngopfu.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Lk 4:21

Yesu ahanga sungula kuvabyela aku: Namunhla a tralwa ledri n'widriyingelaka drihetisekile.

Yohana 1:45

Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa.

Yohana 6:42

Kutani vaku: Xana lweyi ahi yene Yesu n'wana Yosefa, lweyi hi tivaka tatana wakwe ni mamana wakwe xana? Kutani swoswi ahlayisa kuyini, loko aku: Nixiki hi le Tilweni.

Yohana 7:46

A malandra mayangula, maku: Akungiva na mhunu ni siku ni drin'we lweyi asamaka avulavula kufana ni mhunu lweyi.

Mintiro Ya Vapostola 6:10

Kambe vahluleka kulwa ni vutlhari ni Moya lowu afaka avulavula ha wone.

Tito 2:8

uvani ritu ledri dritiyiki, ledri dringafanekeliki kusoliwa, akuva a mukaneti avani tingana, angavina ntxhumu xa kubiha angaxihlayaka ha hine.