Lk 3:11 - Testamente Ledrimpswha ni Mapsalma

¹¹ Lweyi angani swiyambalu swibiri, ahanane lweyi angeke naswu, ni lweyi angani swakuda, ayentxisi xiswoleswo.

Lk 3:11 ပူးပေါင်းရင်းမြစ်များ

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Lk 11:41

Hananani swisiwana kusungula ku leswi n'winganaswu, hi kone n'witaka basiseliwa hinkwaswu.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Lk 19:8

Kambe Zakeya ayima aku ku Hosi: Lavisa, we Hosi, nitapumbela swisiwana vukosi byanga hi le makari; loko nidile xa mhunu, nitamutlhelisela ha ka mune.

Yohana 13:29

A van'wana vayanakanyi leswaku, leswi Yudasi afaka ali mutameli wa xikhwama xa mali, Yesu amubyela kuya xava a swa nkhuvu leswi swidjulekaka, kumbe kuya nyika xa ntxhumu ku swisiwana.

Mintiro Ya Vapostola 10:2

Afa ali mhunu wa vukhongoti, lweyi atxhavaka Xikwembu Nkulukumba kun'we ni va ndangu wakwe hinkwavu, afaka apfuna ngopfu amakari ka tiko hi swihananu, ni kukhongota Xikwembu Nkulukumba nkama hinkwawu.

Mintiro Ya Vapostola 10:31

lweyi atiki ku mine: Korneliyo, Xikwembu Nkulukumba ayingeli xikhongoto xaku ni kudrimuka swihananu swaku ku lava vapfumalaka.

Mintiro Ya Vapostola 10:4

Ayilavisiki, asungula kutxhava aku: Impswini, wene Hosi? Kutani a ntrumi yiku ku yene: a swikhongoto ni swihananu swaku switlhantukeli mahlweni ka Xikwembu Nkulukumba, xiva xidrimuko ku Yene.

Ef 4:28

Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

I Tmt 6:17

Tratriya a vafuyi va minkama leyi leswaku vangatikulisi, ni leswaku vangabeki a kudumba kwavu ku vukosi lebyi byingatiyikiki; kambe ku Xikwembu Nkulukumba lweyi ahinyikaka hinkwaswu hi kuyandra, akuva hikuma a kutrhava;

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Yakobe 2:14

Swipfuna yini vamakweru, loko a mhunu ahlaya leswaku ani kupfumela na angena mintiro? Xana akupfumela loko kutamuhuluxa xana?

I Yhn 3:17

Kambe loko mhunu ali xipfundri, kutani avona makwavu lweyi apfumalaka, amupfalela mbilu yake, swingakotekisa kuyini leswaku alirandru dra Xikwembu Nkulukumba dringatrhama ku yene xana?

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!