Lk 24:19 - Testamente Ledrimpswha ni Mapsalma

¹⁹ Aku ku vone: Hi leswakuyini xana? Vaku ku yene: Aswa Yesu wa le Nazarete, lweyi afaka ali muprofeta wa ntamu, akutireni ni le kudondriseni, amahlweni ka Xikwembu Nkulukumba ni le ku tiko hinkwadru.

Lk 24:19 ပူးပေါင်းရင်းမြစ်များ

Mt 21:11

A switrhungu afa swiku: Lweyi i muprofeta Yesu, wa le Nazarete wa Galileya.

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Lk 24:18

A mun'we ku vone a vito drakwe afaka ali Kleyopasi, ayangula aku ku yene: Xana akuva wene vuswaku ku vayaki va Yerusalema, lweyi angativikiki leswi swiyentxekiki kone a masikwini lawa xana?

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Yohana 4:19

A wansati aku ku yene: Hosi, naswivona leswaku u muprofeta.

Yohana 6:14

A vhanu lava vavoniki mahlolana lawa Yesu amayentxiki, vaku: Ha kunene, lweyi hi yene muprofeta lweyi afaka afanekeli kuta misaveni.

Yohana 7:52

Vayangula, vaku ku yene: Xana na wene upfa Galileya ke? Lavisisa swinene utavona leswaku akuna muprofeta lweyi ahumaka Galileya.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Mintiro Ya Vapostola 7:22

Moxe ahangadondrisiwa avutlharini hinkwabyu bya va-Egipta, kambe afa ani ntamu amaritwini ni le mintirweni yake.