Lk 22:53 - Testamente Ledrimpswha ni Mapsalma

⁵³ Afa nina n'wine masiku hinkwawu andlwini ya Hosi, an'wanikhomanga. Swakuva leswi a nkama lowu wunga wo wenu, ni ntamu wa munyama!

Lk 22:53 ပူးပေါင်းရင်းမြစ်များ

Mt 21:23

Anhingeniki aTempeleni, a vaprista lava vakulu ni vakulu va tiko vatrhindrekela ku Yene na adondrisa, vamuvutisa vaku: I ntamu muni lowu uyentxaka leswi ha wone? Hi mani lweyi akunyikiki a ntamu wolowo?

Lk 22:52

Kolahu Yesu avulavula ni lava vamuteliki, vanga vaprista lava vakulu ni tindruna ta Tempele, aku: Ingi n'widjula xiyivi, n'wihumiki na n'witameli timpanga ni tinhonga?

Lk 22:54

Vatiki vamukhoma vafamba naye, vaya munhingenisa andlwini ya muprista lwenkulu. Kambe Petrosi afa landra hi le kule.

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 13:30

Kolahu, loko Yudasi ateki katinyana, ahatla ahuma. Afa byili vusiku.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 7:30

Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa.

Yohana 7:45

Kuva loko malandra matlhelela ku varangeli va vaprista ni ku vafarisi; vone vavavutisa, vaku: Hikola kayini n'wingabuyanga na yene na n'wimubohile xana?

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

Va-le-Kolosa 1:13

Yene ahihuluxile antan'wini wa munyama, ahirurisela Mfun'wini wa N'wana wakwe lweyi wa kurandriwa.