Lk 2:49 - Testamente Ledrimpswha ni Mapsalma

⁴⁹ Yesu avayangula aku: Afa n'winidjulela yini? Xana afa n'wingaswitivi leswaku nifanekeli akuva nitrhama a ntirweni wa Tatana wanga?

Lk 2:49 ပူးပေါင်းရင်းမြစ်များ

Mt 21:12

Yesu anhingeniki a Tempeleni, ahlongola handle hinkwavu lava afaka vaxavisa ni vaxavi. Abakanyisa matafula ya vatxintxisi va timali ni switrhamu swa vaxavisi va matuva;

Lk 2:48

Loko vamuvona a vapswali vakwe, vahlamala ngopfu, kutani a mamana wakwe aku ku yene: N'wananga, xana uhiyentxeli yini leswo? A tatana waku na mine afa hi famba hikudjula na hivaviseka ngopfu.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 5:17

Kambe Yesu avayangula, aku: Kutlhasa swoswi, Tatana wanga angasanganatrika kutira, kutani na mine, swanga ha yene, natira.

Yohana 5:36

Kambe mine nini vumboni lebyi byitlulaka bya Yohana. Hikusa a mintiro leyi Tatana aninyikiki leswaku nimihetisisa, minga yo mintiro leyi nimiyentxaka, hi yone leyi minihambelaka vumboni bya leswaku nirumiwi hi Tatana.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 8:29

Lweyi anirumiki, ana mine; anganitrikanga vuswanga, hikusa masiku hinkwawu niyentxa leswi swimutrhavisaka.

Yohana 9:4

Hifaneli kutira mintiro ya lweyi anirumiki, na dambu dringasangana pela; a vusiku byata, lebyi mhunu atakava angahakoti kutira hikola ka byone.