Lk 18:12 - Testamente Ledrimpswha ni Mapsalma

¹² Nititrona swakuda kubiri hi vhiki, ninyika swa vukhume bya hinkwaswu leswi niswikumaka.

Lk 18:12 ပူးပေါင်းရင်းမြစ်များ

Mt 5:20

Hikusa nan'wibyela, nili: Loko n'wine n'wingatluli a vandondrisi va Nawu ni vafarisi hi kululama, n'wingaka n'winganhingeni a Mfun'wini wa Matilo.

Mt 6:1

Tivonelani, leswaku n'wingatxhuki n'wiyentxa kululama kwenu amahlweni ka vhanu, akuva n'witavoniwa hi vone; loko n'wiyentxisa xileswo, n'wingaka n'wingakumi a hakelo ku Tatana wenu lweyi anga Matilweni.

Mt 6:16

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu.

Mt 6:5

Loko n'wikhongota n'wingayentxi swanga hi vhanu va mandrendre lava varandraka a kukhongota na vayimile, amasinagogeni ni le matlhanganwini ya maruwa, akuva vatavoniwa hi vhanu. Nihlayelamfuri leswaku a vhanu lavo vayamukeli khale a hakelo dravu.

Mt 9:14

A vadondrisiwa va Yohana Mubabatisi vatrhindrekeli ku Yesu vamuvutisa vaku: Xana hine ni vafarisi hititronela yini ha kanyingi, na kasi a vadondrisiwa vaku avatitroni?

Lk 11:42

Kambe yowee n'wine vafarisi! Hikusa n'winyika a swa vukhume bya ximbowana ni bya muhensa ni timbowa hinkwatu, kasi n'widrela kululama ni lirandru dra Xikwembu Nkulukumba! Afa swifanekela a kuyentxa mintxhumu leyo n'wingaswitriki ni kuyentxa yin'wana.

Lk 17:10

Hiswoswo na n'wine, loko n'wiyentxi hinkwaswu leswi n'wileletiwiki swone hi Xikwembu Nkulukumba, hlayani n'wiku: Hi malandra, hiyentxi ntsena leswi afaka hifanela kuyentxa swone.

Rm 3:27

Kukwini-ke akutikhensa xana? Kususiwile, xana kususiwile hi nawu lowu wakuyini? Wa mintiro xana? Im-him, kambe hi nawu wa kupfumela.

I Kor 1:29

akuva kungavi ni lweyi angatitwalisaka hi swakuka-ndlela amahlweni ka Xikwembu Nkulukumba.

Gl 1:14

Mfuri afa niya mahlweni, avuyudeni, ni tlula lava vanyingi vantanga-kulori atikweni dreru, niva ni nkhinkhi akulandreni ka swihila swa vatatana vanga.

Ef 2:9

akavanga hi mintiro; akuva kungali na lweyi atakatitwalisa ha swone.

I Tmt 4:8

Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.