Lk 17:6 - Testamente Ledrimpswha ni Mapsalma

⁶ A Hosi yiku: Loko fanga n'wini kupfumela loko kange hi nhleke ya sinapi, afa n'wingaku ku nkuwa lowu: Tisimule uyatisimeka likhulwini; afa wuta n'wiyingela.

Lk 17:6 ပူးပေါင်းရင်းမြစ်များ

Mt 14:29

Kutani Yene ayangula aku: Tana! Hi loko-ke Petrosi ahuma abyatrhwini, asungula akufamba ahenhla ka mati akongoma ku Yesu.

Mt 17:20

Yene aku ku vone: Hi leswaku n'wine n'wini kupfumela kutrongo. Nihlayelamfuri nili ku n'wine loko afa n'wini kupfumela loku kudringanaka ni nhleke ya sinapi, afa n'wingabyela nhava leyi n'wiku: Suka la uya kutlhelo drin'wana, afa yitasuka. Akuna ntxhumu lowu afaka wutan'wihlula. [

Mt 21:21

Yesu ayangula aku ku vone: Nihlayelamfuri nili ku n'wine, loko n'wini kupfumela na n'wingaganaganeki, n'wingaka n'wingayentxi ntsena leswi swiyentxiwiki ankuweni lowu, kambe nambi n'wingaku ku nhava leyi: ‘Tisimule la utitxukumeta lwandle’, switayentxekisa xiswoswo.

Marka 4:31

Wufana ni nhleke ya nsinya wa sinapi, leyi yibyaliwaka na yili leyitrongo ku timbewu hinkwatu tinga misaveni.

Marka 9:23

Yesu aku ku yene: Loko kuli kuswikota; hinkwaswu swakoteka ku lweyi apfumelaka.

Lk 13:19

Wufana ni nhleke ya sinapi leyi mhunu ayitekiki ayayibyala xirambeni xakwe. Yimila, wuva nsinya lowu wukulu ngopfu lakakuva a tinyanyana titatatumbela atinkambyini ta wone.

Lk 17:7

Xana hi wini ku n'wine lweyi angani nandra lweyi amudrimelaka, kumbe amubyiselaka, anaka loko abuya apfa masin'wini, aku ku yene: Hangwesa, utrhindrekela, utrhama kudeni?

Lk 19:4

ahangatrutruma mahlweni aya khandriya nkuweni akuva atamuvona, hikusa Yesu afa atahundra hi le ku wone.

Lk 7:13

Loko a Hosi yivona a mufelwa, yimutwela vurombe, yiku ku yene: Ungadrili.

Lk 7:19

Kutani avitani vadondrisiwa vabiri avaruma ku Hosi vaya vutisa leswaku: Xana hi wene lweyi afanelaka kuta, kumbe hahafanekela kurindrela mun'wana?

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.