Lk 16:2 - Testamente Ledrimpswha ni Mapsalma

² Amuvitaniki aku ku yene: Xana i mpswini leswi niswiyingelaka ha wene? Trhandra swa vulaviseli byaku, hikusa ungahavi mulaviseli.

Lk 16:2 ပူးပေါင်းရင်းမြစ်များ

Mt 12:36

Kambe nan'wibyela nili: A ritu hinkwadru dra kuka-ndlela ledri a vhanu vatakahlaya drone, vatatiyangulela hikola ka drone hi siku dra kuyavanyisa.

Mt 20:8

Driku drapela, a n'winyi wa vhinya abyela a mulaviseli wakwe aku: Vitana a vatiri, uvanyika a hakelo, usungula hi lava va le ntrhaku, uyagama hi lava va kuranga.

Lk 12:20

Kambe Xikwembu Nkulukumba amubyela aku: We singe, hi vusiku byolebyi kutavitaniwa hika draku. Leswi uswihlengeletiki, xana switava swa mani?

Lk 12:42

Yesu aku: Hiwini a mulaviseli wa yindlu lweyi wa kudumbeka, ava atlhariha, lweyi a n'winyi wakwe ataka mubeka, alavisela vatiri vakwe, akuva atavayavela swakuda hi nkama lowu wufanekelaka?

Lk 16:1

Yesu ayengeta abyela a vadondrisiwa vakwe aku: Afa kuni mhunu lweyi afaka ani vukosi; afaka ali ni mulaviseli. Kutani a vhanu varambela mulaviseli ku n'winyi wakwe hileswi ahangalasaka vukosi byake.

Lk 16:3

A mulaviseli atiyanakanya aku: Nitayentxa yini, leswi an'winyi wanga anitekelaka vulaviseli byanga? A kudrima nahluleka; a kukombela nini tingana.

Rm 14:12

Hikolahu-ke, mun'wana-ni-mun'wana weru ata tiyangulela mahlweni ka Xikwembu Nkulukumba.

I Kor 1:11

Hikusa vamakweru, nitivisiwile hi ndangu wa ka Kloye leswaku kuni kutengisana amakari kwenu.

I Kor 4:2

Ntlhanta kubiri, leswi swidjulekaka ku valaveleli, hileswaku mun'wana-ni-mun'wana ava lweyi adumbekaka.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

I Tmt 4:14

Ungatrike a kubekisa a nyiko leyi yinga ku wene, leyi unyikiwiki yone hi vuprofeta ni hi kuntlhantekiwa mavoko hi nkulu wa kereke.

I Tmt 5:24

A swidoho swa van'we vhanu swativonekisa, swivarangeli akuyavanyisiweni, kambe a swa van'wna, switativonekisa ntrhaku.

I Ptr 4:10

Mun'wana-ni-mun'wana, hi lana ayamukeliki ha kone a nyiko, ayitiriseli van'wana, na n'wili vayaveli vanene va timpswalu leti tinyingi ta Xikwembu Nkulukumba.

I Ptr 4:5

vone vatakatiyangulela ku lweyi atibekiseliki kuyavukanyisa lava hanyaka ni lava va kufa.

Mpfuletelo 20:12

Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.