Lk 13:33 - Testamente Ledrimpswha ni Mapsalma

³³ Ntsena kudjuleka nifamba namunhla ni mundruku ni mundlwana; hikusa aswifaneli leswaku a muprofeta adlayiwa a handle ka Yerusalema.

Lk 13:33 ပူးပေါင်းရင်းမြစ်များ

Mt 20:18

Vonani! Hitlhantukela a Yerusalema; kutani N'wana wa Mhunu atakanyiketiwa amandleni ya vaprista lava vakulu ni vatrali, vatamuyavanyisela a lifu,

Mt 21:11

A switrhungu afa swiku: Lweyi i muprofeta Yesu, wa le Nazarete wa Galileya.

Lk 9:53

Kambe a va-Samariya vayala kumuyamukela, hikusa afa vativa leswaku Yesu akongomi Yerusalema.

Yohana 11:54

Hikolahu Yesu afa angahafamba-fambi livaleni makari ka va-Yuda. Kambe asuka kolahu, aya tikweni ledri dringa kusuhi ni mananga, amutini lowu valiki i Efrayimi, aya trhama kone kun'we ni vadondrisiwa vakwe.

Yohana 11:9

Yesu ayangula, aku: Xana a siku adrina minkama ya khume na mibiri xana? Loko mhunu afamba ni nhlikanhi, angakhunguvanyeki ha ntxhumu, hikusa avona kuvaninga.

Yohana 12:35

Yesu aku ku vone: A kuvaninga kahatava kone nkamanyana amakari kwenu. Fambani loko meheni kuvaninga, leswaku munyama wungatitxhuka wu n'wikuma; kasi lweyi afambaka munyameni angativi lomu ayaka kone.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 9:4

Hifaneli kutira mintiro ya lweyi anirumiki, na dambu dringasangana pela; a vusiku byata, lebyi mhunu atakava angahakoti kutira hikola ka byone.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 13:27

Hikusa a vayaki va Yerusalema ni varangeli vavu, na vangamutivanga Yesu, nambi maritu ya vaprofeta lawa mahlayiwaka hi masavata, hi kumuyavanyisela lifu, vahetisi a maritu wolawo;