Lk 12:5 - Testamente Ledrimpswha ni Mapsalma

⁵ Nitan'wibyela lweyi n'wifanekelaka kuva n'wimutxhava; txhavani Xikwembu Nkulukumba, lweyi loko adlayile, angani ntamu wa kutxukumetela akheleni. Ahina nan'wibyela txhavani yelweyo.

Lk 12:5 ပူးပေါင်းရင်းမြစ်များ

Mt 10:28

Nakone n'wingatxhaveni lava vadlayaka a miri, na vangakotiki kudlaya a hika; kambe txhavani ngopfu lweyi angani ntamu wa kusuvisa a hika ni miri akheleni dra ndrilo.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Marka 13:23

N'wine ke tivonelani, ngopfu, hikusa nin'wibyela ku hinkwaswu leswi na swingasanganahumelela.

I Tsl 4:6

Kungave ni mun'we lweyi a honelaka makwavu kumbe ku mukhunguvanyisa, hikusa a Hosi i mudrihiseli wa hinkwaswu leswo, swanga hi leswi hin'wibyeliki kusunguleni, nakone hatiyisa.

Va-Heberu 10:31

Aswakutxhavisa i kuwela mandleni ya Xikwembu Nkulukumba lweyi a hanyaka.

II Ptr 2:4

Ke, loko Xikwembu Nkulukumba angatretrelelanga tintrumi loko tidohile, kambe atitxukumetile a gehena, atinyiketa akheleni dra munyama lana tinyimelaka siku dra yavanyiso.

Mpfuletelo 14:7

Yiku hi ritu drikulu: Txhavani Xikwembu Nkulukumba, n'wimutwalisa, hikusa kutlhasi nkama wakwe wa kuyavanyisa! Khinsamelani lweyi ayentxiki tilo ni misava, ni likhulu, ni tinhlovo ta mati.

Mpfuletelo 15:4

Hi mani lweyi angatiki kutxhava we Hosi? Lweyi angatiki hlaya a vukulu bya vito draku? Hikusa wene ntsena lweyi wa kuxwenga; Hiswoswo amatiko hinkwawu matata, makhisama amahlweni kwaku, hikusa a kuyavanyisa kwaku kavonekisiwa.

Mpfuletelo 20:14

A lifu ni gehena switxukumetiwi tiveni dra ndrilo. A tiva ledri dra ndrilo i lifu dra vubiri.