Lk 12:37 - Testamente Ledrimpswha ni Mapsalma

³⁷ Makatekile a malandra lawa a n'winyi atakaku abuya, atatamakuma na malavelela. Nihlayelamfuri nili ku n'wine: a n'winyi atatitrimba likhalu a matrhamisisa kudeni, amatirela.

Lk 12:37 ပူးပေါင်းရင်းမြစ်များ

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Lk 12:36

Fananani ni lava valaviselaka n'winyi wavu, loko atabuya apfa nkhubyini, akuva ataku akubuyeni kwake, agongondra, vahatla vamupfulela.

Lk 12:43

Akatekile a nandra lweyi a n'winyi wakwe, atakaku ata, atatamukuma na yentxisa xiswoswo.

Lk 17:8

Xana angopfu ana angaku ku yene: Bekisa leswi nitakalalela ha swone; tikhame likhalu, unitirela nikota niheta kuda ni kunwa, a ntrhaku utada, utanwa na wene?

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Lk 22:27

Hikusa lwenkulu hi wini? Xana hi lweyi atrhamiki kudeni, kumbe hi lweyi amutirelaka? Ahilweyi atrhamiki kudeni xana! Kambe mine ni le makari kwenu swanga hi lweyi atirelaka.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

I Kor 2:9

Kambe swanga hi leswi kutraliwiki leswaku: Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu, leswi Xikwembu Nkulukumba an'wibekiseliki lava vamurandraka;

Va-le-Filipiya 1:21

Hikusa ku mine a kuhanya i Kriste a kufa i bindru.

Va-le-Filipiya 1:23

Makari ka mintxhumu leyi mibiri ni kamekile, hi tlhelo drin'wana ni navela akuya va na Kriste, leswi swinga hundrisa a kunyoxa;

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

Mpfuletelo 14:13

Kutani ni yingela ritu dripfa tilweni na driku: Trala leswi: Kukateke vafi lava kusukela swoswi vafelaka Hosini! Ahina, kuhlaya Moya, akuva vata wisa mintirweni ya yavu, hikuva mintiro yavu mitavalandra.

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

Mpfuletelo 7:17

hikusa a Hambana, leyi yinga xitrhan'wini-xa-vuhosi, yitavabyisa, yivayisa atinhlobyeni ta mati ya vutomi, kutani Xikwembu Nkulukumbata atasula minyembeti hinkwayu amahlweni yavu.