Lk 11:39 - Testamente Ledrimpswha ni Mapsalma

³⁹ Kambe Hosi yiku ku yene: Hileswo n'wine vafarisi n'wibasisa ahandle ka ntrheko ni mbaka, kasi andreni kwenu kutali hivuyivi ni vubihi.

Lk 11:39 ပူးပေါင်းရင်းမြစ်များ

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

Mt 7:15

Tivonelani ku vaprofeta va madrimi, lava vataka ku n'wine na vayambali swanga tihamba, kambe hi le ndreni i mahava lawa mahahlulaka.

Lk 16:15

Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.

Lk 7:13

Loko a Hosi yivona a mufelwa, yimutwela vurombe, yiku ku yene: Ungadrili.

Lk 7:19

Kutani avitani vadondrisiwa vabiri avaruma ku Hosi vaya vutisa leswaku: Xana hi wene lweyi afanelaka kuta, kumbe hahafanekela kurindrela mun'wana?

Yohana 12:6

Ahlayisa xileswo kunge hi leswi afaka ani mhaka ni swisiwana, kambe hi leswi afaka ali muyivi; kutani leswi afaka ali mutameli wa nkwama wa mali, afa ahamba ayiva leswi txheliwaka kone.

Yohana 13:2

Kutani, loko vatrhami kudeni, Diyavulosi afa abeki khale ambilwini ya Yudasi Iskariyota, n'wana Simoni arengu dra kuwonga Yesu.

Mintiro Ya Vapostola 5:3

Kolahu-ke Petrosi aku: Ananiya, xana Sathana atatisi kuyini a mbilu yaku akuva uhembela Moya wa Kuxwenga, ni kutipambulela a ntrengo wa nsimu, xana?

Gl 1:14

Mfuri afa niya mahlweni, avuyudeni, ni tlula lava vanyingi vantanga-kulori atikweni dreru, niva ni nkhinkhi akulandreni ka swihila swa vatatana vanga.

II Tmt 3:5

lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

Tito 1:15

Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.