Lk 11:34 - Testamente Ledrimpswha ni Mapsalma

³⁴ A motre wa miri yaku i tihlu draku. Loko a tihlu draku drili drinene, a miri yaku hinkwayu mitavaningiwa. Kambe loko dribihile, nayo miri yaku mi le munyameni.

Lk 11:34 ပူးပေါင်းရင်းမြစ်များ

Marka 4:12

akuva nambi vavona, vangavonisisi, nambi vayingela vangayingelisisi, akuva vangatitlhelela ku Xikwembu Nkulukumba vadrivaleliwa swidoho swavu.

Marka 7:22

ni kuwoswana, ni kunavela ka vukosi, ni mona, ni kukanganyisa, ni kutitrika, ni matrhoho, ni swisandru, ni kutikukumuxa, ni vusinge.

Marka 8:18

Leswi n'wingani mahlu ni tindleve ha yini n'wingavoni ni kuyingela, xana? An'widrimuki,

Lk 11:35

Tivone-ke, suka akuvaninga loku kunga ndreni kwaku, kuva munyama.

Mintiro Ya Vapostola 13:11

Ke swoswi, a voko dra Hosi drile henhla kwaku akukhatisa: Utava wa kufa-mahlu, ungavoni dambu hi nkamanyana. Hi nomu-lo, aweliwa hi hunguva ni munyama, kutani asungula kuyingayinga, adjula lweyi angamufambisaka hi voko.

Mintiro Ya Vapostola 2:46

Hinkwawu masiku afa vakhinyela hi mbilu yin'we a Tempeleni, vakhemelana kati hi tiyindlu na vada swakuda hi kunyoxa ni kubasa ka timbilu.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Ef 1:17

Akuva Xikwembu Nkulukumba wa Hosi yeru Yesu Kriste, Tatana wa kuphatima, an'winyiki akutiveni kwake, a moya wa vutivi ni wa kun'wipfuletela.

Ef 6:5

N'wine malandra, yingisetani vinyi venu hi ka nyama, hi xitxhavu ni kururumela, akululameni ka timbilu tenu, swanga hi loko n'witirela Kriste.

Va-le-Kolosa 3:22

N'wine swikarawa, yingesetani amintxhun'wini hinkwayu, a vinyi venu va laha misaveni, n'wingavatireli hi loko va n'wilavisile, swanga hi loko n'witrhavisa vhanu, kambe swiyentxani hi mbilu ya kunabyala na n'witxhava Xikwembu Nkulukumba.