Lk 10:17 - Testamente Ledrimpswha ni Mapsalma

¹⁷ A vadondrisiwa lava va ntlhanu wa makume na makume mabiri (70), vabuya hi kutrhava vaku: Hosi, nayo mimoya lemimfani amihluliwa ha hine loko hikhanela hi vito draku:

Lk 10:17 ပူးပေါင်းရင်းမြစ်များ

Mt 4:24

Afa kutwala kwake kuhangalaka atikweni dra Siriya. Vamutisela hinkwavu lava vavabyaka hi mavabyi ya tinxaka-xaka, ni mahlomulo ni tinxanisa ni lava vangani mademoni, ni va mavabyi ya kuwutleka, ni vakuwonyana a swiro, kutani Yene afa avahanyisa.

Marka 16:17

Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha.

Lk 10:1

A ntrhaku ka swone, Hosi Yesu ahlawuli van'wana va ntlhanu wa makume na makume mabiri na vabiri (72), avaruma ha vabiri-vabiri amahlweni kwake, amitini hinkwayu ni le mimbangwini hinkwayu lomu atakafamba ha kone.

Lk 10:20

Nambi swilitanu, n'winganyoxeni hi leswi a mimoya mihluliwaka ha n'wine. Kambe nyoxani hi leswi a mavito yenu matraliwiki Matilweni.

Lk 10:9

n'wiva n'wihanyisa timbabyi leti tinga ku wone, n'wivabyela n'wiku: A Mfumu wa Xikwembu Nkulukumba wutlhasile ku n'wine.

Lk 9:1

Yesu a hlengeleta vadondrisiwa vakwe va khume na vabiri, avanyika a ntamu ni vufumi a henhla ka mimoya hinkwayu lemimfani, ni kuholisa ka mavabyi.

Rm 16:20

Xikwembu Nkulukumba lweyi a nyikaka kurula, atahatla apswhandlasa Sathana a hansi ka minkondro yenu. Ingi a Hosi yeru Yesu Kriste angan'witovokisa.

Ef 5:24

Swanga hileswi a Kereke driyingisetaka Kriste, na vo vavasati vafanekela kuyingiseta vanuna vavu ku hinkwaswu.