I Yhn 5:6 - Testamente Ledrimpswha ni Mapsalma

⁶ Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.

I Yhn 5:6 ပူးပေါင်းရင်းမြစ်များ

Mt 26:28

hikusa leswi i ngati yanga, ya xipfumelelanu ximpswha, leyi yihalateleliwaka lava vanyingi a kudrivaleliweni ka swidoho.

Mt 3:16

Kaku loko Yesu ababatisiwile, ahuma amatini. Hi nomu-lo, a matilo mapfuleka, avona a Moya wa Xikwembu Nkulukumba wuxikela ahenhla kwake swanga i tuva.

Marka 14:24

Kutani aku ku vone: Leswi i ngati yanga, ngati ya xipfumelelanu (lexi ximpswha), leyi yihalateliwaka lava vanyingi.

Lk 22:20

Nawo ntrheko, ayentxisa xiswoswo, a ntrhaku ka kuda aku: A ntrheko lowu i xipfumelelanu lexi ximpswha xa Xikwembu Nkulukumba angatini yanga leyi yihalatiwaka hinkonta yenu.]

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 16:13

Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 6:55

Hikusa a miri yanga i swakuda ha kunene, ni ngati yanga i swakunwa ha kunene.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Va-le-Kolosa 1:4

hikusa hiyingeli kupfumela kwenu ku Kriste Yesu, ni lirandru ledri n'widrikombisaka ku vapfumeli hinkwavu.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Va-Heberu 10:29

Xana n'wili atafanekeliwa hi kubiwa lokukulu loku kutlulaka swaku nhati, lweyi a kandreteliki N'wana wa Xikwembu Nkulukumba! Lweyi ahlayiki leswaku a ngati ya xipfumelelanu leyi a xwengisiwiki ha yone a hi ntxhumu, lweyi a sandriki Moya wa timpswalu?

Va-Heberu 12:24

ni ku Yesu, mutlhanganisi wa xipfumelelanu leximpswha, ni ngati ya xuvo leyi yihlayaka leti tinene kutlula ya Abele.

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Va-Heberu 9:7

Kambe antrongeni wa vubiri, afa kunhingena ntsena muprista lwenkulu ali swake, kan'we hi lembe, anganhingeni kone angana ngati ya swifuyo akuva anyikela, hinkonta yake ni ya swidoho swa tiko hiku kohleka.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.