I Yhn 5:20 - Testamente Ledrimpswha ni Mapsalma

²⁰ Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Yhn 5:20 ပူးပေါင်းရင်းမြစ်များ

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Lk 24:45

Kahangava kone apfulaka swifuva swavu, akuva vayingelisisa Matralwa

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 10:30

Mine na Tatana hi mun'we.

Yohana 14:20

Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 14:9

Yesu aku ku yene: Nitrhami na n'wine nkama wunyingi, kutani awusinitiva, Filipi? Lweyi anivoniki, avoni Tatana. Kutani uhlaya ha yini uku: Hikombe Tatana?

Yohana 15:4

Trhamani ku mine, na mine ku n'wine. Swanga hi leswi likambu dringakotikiki kubeka mihandru ha swadrone loko dringatrhami ansinyeni, na n'wine an'wina kuswikota kubeka mihandru, loko n'winga trhami ku mine.

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Yohana 17:25

Tatana, wa kululama! A misava yone amikutivanga, kambe mine nikutivile, ni volavu vaswitivile leswaku hi Wene unirumiki.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

Yohana 20:28

Tomasi ayangula, aku ku yene: Hosi yanga ni Xikwembu Nkulukumba wanga!

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Ef 3:18

akuva n'witakota kuyingelisisa, kun'we ni vapfumeli hinkwavu, avukulu ni kuyanama, vunyingi ni kuyeta ka lirandru dra Kriste.

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 1:8

Kambe kuli hi tlhelo dra N'wana, kutraliwi vaku: Axiluvelo xaku, wene Xikwembu Nkulukumba i xa minkama hinkwayu; Anhonga ya vuhosi byaku, i nhonga ya kululama kwaku.

I Yhn 2:23

Lweyi alandrulaka N'wana, na kone atrhama na ange na Tatana. Kutani lweyi apfumelaka N'wana, na kone ana Tatana.

I Yhn 2:24

Kolahu aswitrhami ku n'wine leswi n'wiswiyingeliki kehe kusunguleni. Loko switrhama ku n'wine leswi n'wiswiyingeliki kusukela kusunguleni, kutani n'wine n'witatrhama ku n'wana ni le kutatana.

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

I Yhn 4:2

Ku leswo n'witativa a Moya wa Xikwembu Nkulukumba: A moya un'wana-ni-un'wana lowu wuhlayaka leswaku Yesu Kriste ati anyameni, iwa Xikwembu Nkulukumba.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:15

Mfuri loko hiswitiva leswaku Yene awa hi yingela kuhinkwaswu leswi hikombelaka, hinikudumba ka leswaku hinihinkwaswu leswi hinga mukombelaka.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:5

Kutani i mani lweyi angaswikotaka kuhlula misava? Loko ange lweyi apfumelaka ntsena leswaku Yesu i N'wana wa Xikwembu Nkulukumba?

Mpfuletelo 15:3

Afa vayimbelela lisimu dra Moxe, nandra wa Xikwembu Nkulukumba, ni lisimu dra Hambana vaku: I mikulu, mahlamalisa, a mintiro yaku! Hosi Xikwembu Nkulukumba xa ntamu hinkwawu, tilulamile i tinene, a tindlela taku! Wene Mufumi wa matiko!

Mpfuletelo 19:11

Kutani ni vona tilo na dripfulekile; kuvoneka a hanxi ledra ntlhohe. Lweyi a drikhandriyiki ahlayiwa Mudumbeki ni waxihlayelamfuri. Atrema, alwa hi kululama.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Mpfuletelo 6:10

Na vabandlukana hi ritu ledri kulu vaku: Kutakota kuva ha drini, we Hosi ya kuxwenga ni ya xihlayelamfuri, ungayavanyisiki ni kudrihisa a ngati yeru, ku lava vayakiki misaveni?