I Yhn 5:18 - Testamente Ledrimpswha ni Mapsalma

¹⁸ Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:18 ပူးပေါင်းရင်းမြစ်များ

Mt 5:37

Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Mt 6:13

Ungahiyise akudringiweni, kambe hihuluxe ku lwe mfani.

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 15:4

Trhamani ku mine, na mine ku n'wine. Swanga hi leswi likambu dringakotikiki kubeka mihandru ha swadrone loko dringatrhami ansinyeni, na n'wine an'wina kuswikota kubeka mihandru, loko n'winga trhami ku mine.

Yohana 15:7

Loko n'witrhama ku mine, ni maritu yanga matrhama ku n'wine, kombelani hinkwaswu leswi n'wiswirandraka, n'witanyikiwa.

Yohana 15:9

Swanga hi leswi Tatana anirandriki, na mine nin'wirandrile; trhamani a lirandrwini dranga.

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

I Yhn 3:9

Lweyo ni lweyo apswaliwiki hi Xikwembu Nkulukumba angahanyi hi kuyentxa swidoho; hikusa ambewu ya Xikwembu Nkulukumba yitrhami ku yene; angana kuswikota kuhanya hikudoha, hikusa apswaliwi hi Xikwembu Nkulukumba.

I Yhn 4:6

Kambe hine hi va Xikwembu Nkulukumba. Lweyi ativaka Xikwembu Nkulukumba, awa hi yingiseta, kasi lweyi a ngeke wa Xikwembu angahiyingeli. Hi xiswoswi hine hawutiva a Moya wa xihlayelamfuri ni moya wa xihono

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:15

Mfuri loko hiswitiva leswaku Yene awa hi yingela kuhinkwaswu leswi hikombelaka, hinikudumba ka leswaku hinihinkwaswu leswi hinga mukombelaka.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Yhn 5:21

Vana vanga, tivonelani ku swikwembu swakuka-ndlela.

I Yhn 5:4

hikusa lweyo ni lweyo lweyi apswaliwiki hi Xikwembu ahlula misava. Kutani akuhlula loku hi kone kunga henhla ka misava, inga kupfumela kweru.

Yd 1:21

Miya mahlweni hi kuhanya alirandrwini dra Xikwembu Nkulukumba, na n'wilavisela lirere dra Hosi yeru Yesu Kriste, driyisaka vuton'wini lebyi byingahelikiki.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.