I Yhn 5:14 - Testamente Ledrimpswha ni Mapsalma

¹⁴ Hikoloku, akudumba loku hinganaku ku Yene hileswaku: loko hikombela xa ntxhumu hikulandra kurandra kwake, kutani Yene awahiyingela.

I Yhn 5:14 ပူးပေါင်းရင်းမြစ်များ

Mt 21:22

Ke, hinkwaswu leswi n'witakaswikombela hi kukhongota na n'wikholwa, n'witaswiyamukela.

Yohana 11:42

Mine niswitivile leswaku hinkwawu masiku waniyingela. Kambe nihlayi leswo hikola ka xitrhungu lexi xiyimiki kola, akuva xitapfumela leswaku hi wene unirumiki.

Yohana 14:13

Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana.

Yohana 15:7

Loko n'witrhama ku mine, ni maritu yanga matrhama ku n'wine, kombelani hinkwaswu leswi n'wiswirandraka, n'witanyikiwa.

Yohana 16:24

Kutlhasa swoswi, an'wisangana kombela ntxhumu hi vito dranga; kombelani, n'witanyikiwa, akuva kutrhava kwenu kuhetiseka.

Yohana 9:31

Haswitiva leswaku Xikwembu Nkulukumba angayingeli vadohi; kambe loko mhunu ali mutxhavi wa Xikwembu Nkulukumba, ayentxa ni kurandra kwake, Yene awamuyingela.

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

Va-Heberu 10:35

Hileswo-ke, n'winga vidrela kudumba kwenu, loko kungani hakelo ledri drikulu.

Va-Heberu 3:14

Hikusa hi yentxiwile lava vangavatirikuloni na Kriste, loko kunene hitiya kutlhasa vugan'wini, a kudumba loku hi viki na kone kusunguleni.

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Yakobe 4:3

N'wakombela n'wingayamukelisiwi, hi leswi n'wikombelaka hi kubiha, akuva n'wiswihangalasa akunyoxeni kwenu.

Yakobe 5:16

Ke, byelanani swidoho; n'wikhongotelana mun'wana ku mun'wana, akuva miholisiwa. A xikhongoto xa mululami xini ntamu swinene xatira.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.