I Yhn 4:9 - Testamente Ledrimpswha ni Mapsalma

⁹ Kuvi xiswoswi dritivonekisiki alirandru dra Xikwembu Nkulukumba ku hine: hileswaku Xikwembu Nkulukumba arumi N'wanake, lweyi wakupswaliwa swake amisaveni, akuva ha Yene hitahanya.

I Yhn 4:9 ပူးပေါင်းရင်းမြစ်များ

Marka 12:6

Afa asali ntsena ni n'wana mun'we, lweyi wakurandreka. Amuruma ku vone na e wa vugamu aku: Vatatxhava n'wananga!

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Yohana 10:10

A muyivi atela kuyiva ntsena, ni kutlhava, ni kudlaya. Mine nitile leswaku tihamba tanga tivani vutomi, tibyikuma hi ntalo.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 3:18

Lweyi apfumelaka ku N'wana, angayavanyisiwi; kambe lweyi angapfumelikiki ayavanyisiwile ni swoswi, hikusa anga pfumelanga ku N'wana wa Xikwembu Nkulukumba lweyi wa mun'we.

Yohana 5:23

akuva hinkwavu vavani xitxhavu ku N'wana, swanga heswi vangani xitxhavu ni le ku Tatana. Amun'wana ni mun'wana lweyi angekena xitxhavu ku N'wana, angana xitxhavu ni le ku Tatana lweyi amurumiki.

Yohana 6:29

Yesu avayangula, aku: A ntiro wa Xikwembu Nkulukumba hileswaku n'wipfumela ku lweyi amurumiki.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 8:29

Lweyi anirumiki, ana mine; anganitrikanga vuswanga, hikusa masiku hinkwawu niyentxa leswi swimutrhavisaka.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Yohana 9:3

Yesu ayangula, aku: Ahi yene lweyi angadoha, nambi vali vapswele vakwe; kambe hileswaku a mintiro ya Xikwembu Nkulukumba mitavoneka ha yene.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Va-Heberu 1:5

Lweyi ha kunene angasiki nahlaya nambi kuyin'we ku tintrumi aku: Wene un'wananga, xana mine, namuhla ni kutumbuluxile? Nakone mfuri, angahlayanga ku ntrumi ni yin'we aku: Mine nitava tatana wakwe, kutani Yene atava n'wananga?

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

I Yhn 5:11

Kutani a vumboni hi lebyi: Xikwembu Nkulukumba ahi nyiki vutomi lebyi byingahelikiki, a vutomi lebyo byi le ku N'wana wakwe.

I Yhn 5:13

Ni n'witraleli mintxhumu leyi akuva n'witiva leswaku n'wini vutomi lebyi byingahelikiki, leswaku n'wipfumela ku Vito dra N'wana wa Xikwembu Nkulukumba.