I Yhn 4:7 - Testamente Ledrimpswha ni Mapsalma

⁷ Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

I Yhn 4:7 ပူးပေါင်းရင်းမြစ်များ

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

I Kor 8:3

Kambe loko a mhunu arandra Xikwembu Nkulukumba, ativiwa ha Yene (Xikwembu Nkulukumba).

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Gl 4:9

Kambe swoswi, leswi n'witivaka Xikwembu Nkulukumba, kumbe, leswi n'witibyiwaka hi Xikwembu Nkulukumba, xana swiyentxisa kuyini, loko n'witlhela ku swagome, swaku ka ndlela, lebyi n'widjulaka kutlhela n'wibyitirela swanga hi le kusunguleni?

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

II Tmt 1:7

Hikusa Xikwembu Nkulukumba angahinyikanga moya wa vutoya, kambe wakuva wa ntamu, ni lirandru ni vutlhari.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Yhn 2:10

Lweyi arandraka makwavu atrhami livaningweni akuna xikhunguvanyiso ku yene.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

I Yhn 2:4

Lweyi aliki namutiva Xikwembu Nkulukumba na anga bekisi swileleto swake, awa hemba, a xihlayelamfuri axi kone ku yene.

I Yhn 2:7

Varandriwa, anin'witraleli nawu wumpswha, kambe wakuva lowu wakhale, lowu afaka n'wili nawu kehe kusunguleni, a nawu lowu wa khale i ritu ledri n'widriyingeliki.

I Yhn 3:9

Lweyo ni lweyo apswaliwiki hi Xikwembu Nkulukumba angahanyi hi kuyentxa swidoho; hikusa ambewu ya Xikwembu Nkulukumba yitrhami ku yene; angana kuswikota kuhanya hikudoha, hikusa apswaliwi hi Xikwembu Nkulukumba.

I Yhn 4:11

Varandriwa, loko Xikwembu Nkulukumba ahirandrisi xileswi, na hine hinfanela hirandranana van'we-ku-van'wana.

I Yhn 4:12

Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

I Yhn 4:8

Lweyi angarandrikiki angativi Xikwembu Nkulukumba, hikusa Xikwembu Nkulukumba i lirandru.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

II Yhn 1:5

Swoswi ke, nkosikazi na kukombela, na kunge swanga hi loko ni kutralela leleto ledri drimpswha, loko kunge ledri hi dri yamukeliki kusukela kusunguleni: leswaku hi randrana van'we ku van'wana.