I Yhn 4:4 - Testamente Ledrimpswha ni Mapsalma

⁴ Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

I Yhn 4:4 ပူးပေါင်းရင်းမြစ်များ

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 16:11

a kuyavanyisa, hikuva a mufumi wa misava leyi ayavanyisiwile.

Yohana 17:23

Mine ku vone na Wene ku mine, akuva lava vahetisekiki, vava mun'we, kutani misava mitativa leswaku hi Wene unirumiki, ni leswaku uvarandrile swanga hi leswi unirandrisiki xiswone.

Rm 8:31

Hitahlaya yini hi leswi? Loko Xikwembu Nkulukumba ayimile na hine, i mani lweyi a taka lwa na hine?

Rm 8:37

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

I Kor 2:12

Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki;

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Ef 6:10

Leswi saliki, tiyani Hosini ni le ntan'wini wa vukulu bya Yone.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 2:13

Nan'witralela vapswele, leswaku n'wamutiva lweyi afaka ana ali kone kehe kusunguleni. Nan'witralela vampswha, hikusa n'wihluli mubihi.

I Yhn 3:20

Loko atimbilu teru tihirambela, kunene Xikwembu Nkulukumba i nkulu kutlula timbilu teru, mfuri ativa amintxhumu hinkwayu.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

I Yhn 4:13

Xileswo hitiva leswaku hi trhami ku Yene, na Yene atrhami ku hine, hi leswi: ahinyiki Moya wakwe.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

I Yhn 4:6

Kambe hine hi va Xikwembu Nkulukumba. Lweyi ativaka Xikwembu Nkulukumba, awa hi yingiseta, kasi lweyi a ngeke wa Xikwembu angahiyingeli. Hi xiswoswi hine hawutiva a Moya wa xihlayelamfuri ni moya wa xihono

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

I Yhn 5:4

hikusa lweyo ni lweyo lweyi apswaliwiki hi Xikwembu ahlula misava. Kutani akuhlula loku hi kone kunga henhla ka misava, inga kupfumela kweru.

Mpfuletelo 12:11

Kutani vone vamuhlulile hi ngati ya Hambana, ni vumboni bya ritu dravu avayalanga kunyiketa vutomi byavu kuyatlhasa kufeni.