I Yhn 3:7 - Testamente Ledrimpswha ni Mapsalma

⁷ Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

I Yhn 3:7 ပူးပေါင်းရင်းမြစ်များ

Mt 5:20

Hikusa nan'wibyela, nili: Loko n'wine n'wingatluli a vandondrisi va Nawu ni vafarisi hi kululama, n'wingaka n'winganhingeni a Mfun'wini wa Matilo.

Lk 1:75

hi kuhlawuleka ni kululama amahlweni kwake, amasikwini hinkwawu ya kuhanya kweru.

Mintiro Ya Vapostola 10:35

Kambe a tikweni drin'wana ni drin'wana, lweyi amutxhavaka ni kutira swakululama, awayamukeleka ku Yene.

Rm 2:13

Hikusa avayingeli ntsena va nawu, a hi valulami mahlweni ka Xikwembu Nkulukumba, kambe ntsena lava vayentxaka leswi swileletiwaka hi nawu hi vone vatakahlayiwa valulami.

I Kor 6:9

Kumbe xana an'wiswitivi leswaku a vayentxi va vubihi vangatida a pfindla dra Mfumu wa Xikwembu Nkulukumba? N'wingatikanganyiseni! Nambi vawoswani, nambi vagandreli va swikwembu swakuka-ndlela, nambi va vumbuye, nambi lava vatiyentxaka ingi i vavasati, nambi lava vatekanaka hi xinuna xavu kumbe hi xisati xavu,

Ef 5:6

N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-Heberu 1:8

Kambe kuli hi tlhelo dra N'wana, kutraliwi vaku: Axiluvelo xaku, wene Xikwembu Nkulukumba i xa minkama hinkwayu; Anhonga ya vuhosi byaku, i nhonga ya kululama kwaku.

Va-Heberu 7:2

Kutani Abrahamu amupumbela vukhume bya hinkwaswu; na kone kusunguleni, vito dra Melkisedeki swihlaya leswaku Mufumi wa kululama, na kone mfuri, Mufumi wa Salema, kumbe leswaku Mufumi wa kurula.

Yakobe 1:22

Vanani vayentxi va Ritu, n'wivi vayingeli ntsena, n'witikanganyisa ha swenu.

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 2:26

Ni n'witralela mintxhumu leyi hinkonta ya lava vadjulaka kun'wikanganyisa.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

I Yhn 3:18

Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.