I Yhn 3:23 - Testamente Ledrimpswha ni Mapsalma

²³ Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 3:23 ပူးပေါင်းရင်းမြစ်များ

Mt 22:39

Ni dra vubiri, drifanaka na drone hi ledri: Utarandra a wa-le-kwenu swanga hi loko utirandra.

Marka 9:7

Kutani a tlavi drihumelela, drivafukumeta, ni ritu ledri dripfaka tlavini driku: Lweyi i N'wananga lweyi arandrekaka muyingelani!

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 14:1

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Yohana 15:12

A nawu wanga hi lowu: Hi leswaku n'wirandranana, swanga hi leswi na mine nin'wirandriki.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

Yohana 2:23

Loko ali Yerusalema, ankhubyini wa Paska, a vhanu lava vanyingi vapfumela ku yene, hi kuvona mahlolana lawa amayentxaka.

Yohana 3:18

Lweyi apfumelaka ku N'wana, angayavanyisiwi; kambe lweyi angapfumelikiki ayavanyisiwile ni swoswi, hikusa anga pfumelanga ku N'wana wa Xikwembu Nkulukumba lweyi wa mun'we.

Yohana 6:29

Yesu avayangula, aku: A ntiro wa Xikwembu Nkulukumba hileswaku n'wipfumela ku lweyi amurumiki.

Mintiro Ya Vapostola 16:31

Vone vamuyangula vaku: Pfumela ku Hosi Yesu Kriste, utahuluka, wene ni va ndangu waku.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Tmt 1:15

A ritu ledri dra dumbeka, na kone drifanela kuyamukeliwa hi kudumba hinkwaku, leswaku Kriste Yesu ati misaveni, atatahuluxa vadohi, lava mine ninga lwenkulu ku vone.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

I Yhn 2:7

Varandriwa, anin'witraleli nawu wumpswha, kambe wakuva lowu wakhale, lowu afaka n'wili nawu kehe kusunguleni, a nawu lowu wa khale i ritu ledri n'widriyingeliki.

I Yhn 3:11

Hikusa i ritu ledri n'wine n'widriyingeliki kusukela kusunguleni, ledri draku: hirandrananeni van'we ku van'wana.

I Yhn 4:15

Lweyo ni lweyo lweyi ahlayaka leswaku Yesu i N'wana wa Xikwembu Nkulukumba, Xikwembu Nkulukumba atrhami ku yene, na yene ku Xikwembu Nkulukumba.

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

I Yhn 5:13

Ni n'witraleli mintxhumu leyi akuva n'witiva leswaku n'wini vutomi lebyi byingahelikiki, leswaku n'wipfumela ku Vito dra N'wana wa Xikwembu Nkulukumba.