I Yhn 3:16 - Testamente Ledrimpswha ni Mapsalma

¹⁶ Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

I Yhn 3:16 ပူးပေါင်းရင်းမြစ်များ

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Yohana 10:11

Hi mine Mubyisi lweyi munene. A Mubyisi lweyi munene anyiketa vutomi byake hinkonta ya tihamba.

Yohana 10:15

Swanga hi leswi Tatana anitivaka, ni leswi mine nitivaka Tatana; ninyiketa vutomi byanga hinkonta ya tihamba.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Rm 16:4

Vanga nyiketa vutomi byavu khombyeni kuhuluxa vutomi byanga. Hikolahu na vatlangela ngopfu. Ahi mine ntsena, kambe na wone hinkwawu makereke ya vapfumeli lava humaka ku lava vanga khongotikiki Xikwembu Nkulukumba.

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

II Kor 4:12

Xi leswo, aku fa kutira ku hine, kambe ku n'wine kutira vutomi.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Ef 5:25

Na n'wine vavanuna, randrani vasati venu, swanga ha Kriste arandriki Kereke, anyiketi vutomi byake ha drone.

Va-le-Filipiya 2:17

Mfuri, Nambi loko nyiketiwa a mhambeni ni le kutireleni ka kupfumela kwenu, na nyoxa niva nitrhava na n'wine hinkwenu.

Va-le-Filipiya 2:30

Hikusa, afa ali kusuhi ni kufa hinkonta ya ntiro wa Kriste, atinyiketa na angahlayi ntxhumu hi vutomi byake, akuva anitirela ku leswi n'wine n'wihlulekaka kuni yentxela.

I Tsl 2:8

Hiswoswo na hine, havi ni lirandru ku n'wine, hi swirandrile kun'wiyavela na n'wine na kunge ntsena Ivangeli ya Xikwembu Nkulukumba, kambe na byone vutomi byeru, hikusa ku hine n'we kundruluka lava va randrekaka.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

I Ptr 1:18

na n'witiva leswaku angavanga hi mintxhumu leyi mibolaka swanga silivela kumbe gole n'witiruliwiki amahanyeleni yenu ya kuka-ndlela, lawa n'wisiyeliwiki hi vatatana venu,

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

I Yhn 2:9

Lweyi ahlayaka leswaku ale livaningweni na anyenya makwavu ahali munyameni ni swoswi.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;