I Yhn 3:12 - Testamente Ledrimpswha ni Mapsalma

¹² Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

I Yhn 3:12 ပူးပေါင်းရင်းမြစ်များ

Mt 13:19

Lweyi ayingelaka a ritu dra Mfumu, kambe angadriyingelisisi, kuta lweyi mfani, awutla leswi swibyaliwiki ambilwini yake; hi yene lweyi abyaliwiki andleleni.

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

Mt 23:35

Akuva ngati hinkwayu ya kululama hitawela henhla kwenu, leyi yingahalatiwa amisaveni, kusungula hi ngati ya Abele, mululami, kuyatlhasa ku Zakariya, n'wana Barakia, lweyi n'wingamudlaya amakari ka vuhlawuleko ni xiluvelo.

Mt 27:23

A mufuminyana aku ku vone: Xana ayentxi xihono xini? Kambe vatshima kubandlukana vaku: Avambiwe.

Mt 5:37

Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Lk 11:51

akusungula hi ngati ya Abele, a kuyatlhasa angatini ya Zakariya, lweyi angadlayiwa a makari ka vuhiselo bya timhamba ni mbangu wa Vuhlawuleko. Ahina! Nan'wibyela nili: Xikwembu Nkulukumba atakhatisa a lixaka ledri dra nguva leyi.

Yohana 10:32

Yesu aku ku vone: Hi kuyingiseta Tatana wanga niyentxi mintiro leya kutala ya kuxonga, leyi mipfaka ku Tatana. Xana hi wini ku yone, a ntiro lowu n'winikhandlelaka wone xana?

Yohana 8:40

Kambe swoswi n'widjula kunidlaya, mine nin'wibyeliki xihlayelamfuri lexi nixiyingeliki ku Xikwembu Nkulukumba! Leswo Abrahamu angaswiyentxanga.

Yohana 8:41

N'wine n'wiyentxa mintiro ya tatana wenu. A va-Yuda vaku: Hine ahi vana va vumbuye. Hina Tatana mun'we ntsena, anga Xikwembu Nkulukumba.

Mintiro Ya Vapostola 7:52

Amakari ka vaprofeta, hi wini lweyi wa kuka a vatatana venu vangamuxanisanga, xana? Vadlayi lava vativisiki khale, hi kuprofeta, a kuta ka Mululami, lweyi n'wine swoswi n'wingavawongi vakwe ni vadlayi vakwe,

I Tsl 2:14

Hikusa n'wine vamakweru, afa n'wili lava vayetisaka makereke ya Xikwembu Nkulukumba, lawa manga Yudeya, lawa manga ku Kriste Yesu; hikuva na n'wine n'wixaniseki kun'we ni va kwenu, swanga ha vone, hi va-Yuda;

Va-Heberu 11:4

Hikupfumela Abele a humexeli Xikwembu Nkulukumba a mhamba leyi yitlulaka ya Kayini. Hikola kaleswo, a bekeliwile vumboni bya leswaku i mululami, Xikwembu Nkulukumba a mubekela vumboni bya minhlengo yake, hinkonta ya kupfumela loku, aha vulavula nambi a file.

Va-Heberu 12:24

ni ku Yesu, mutlhanganisi wa xipfumelelanu leximpswha, ni ngati ya xuvo leyi yihlayaka leti tinene kutlula ya Abele.

I Ptr 4:4

Hi laha vambeni van'wihlamala leswi n'wingalongolokiki navu akuhonekeni loku kutlulaka mpimu, van'wisandra;

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

Yd 1:11

Yowee ku vone! Hikusa vafambi hi ndlela ya ka Kayim, hikunavela hakelo, vatrutrumeli xihonweni xa Balaami, vasuvi akukaneteni ka Kora.

Mpfuletelo 17:6

Kutani nivona lweyi wansati na apopswi hi ngati ya tinsasi ni ngati ya timboni ta Yesu; kutani loko nimuvona, nihlamala ngopfu hi kuhlamala lokukulu.