I Yhn 2:27 - Testamente Ledrimpswha ni Mapsalma

²⁷ Ke, akutotiwa loku n'wikuyamukeliki ku Yene akutrhami ku n'wine, hikola ka leswo an'wina kuvilela ka leswaku mhunu a n'widondrisa. Kambe swanga hileswi akutotiwa loku kwake kutiyiki kungeke na madrimi, kutan'widondrisa henhla ka mintxhumu hinkwayu, swanga hileswi n'wingadondrisiwa swone, xiswoswo trhamani ku Yene.

I Yhn 2:27 ပူးပေါင်းရင်းမြစ်များ

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Yohana 14:16

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki,

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yohana 16:13

Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 6:45

Kutraliwi amabukwini ya vaprofeta: Hinkwavu vatadondrisiwa hi Xikwembu Nkulukumba. Hileswo-ke, mani na mani lweyi ayingeliki Tatana ni kudondra ku yene, ata ku mine.

I Kor 2:12

Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki;

I Kor 2:13

a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya.

II Kor 1:21

Kambe lweyi ahitiyisaka hi kuhitlhanganisa kun'we na Kriste, lweyi ahitotiki i Xikwembu Nkulukumba,

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Va-le-Kolosa 2:6

Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene,

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

II Yhn 1:2

Kuve leswaku a xihlayelamfuri xile ku hine, kutani xitava na hine hi la kungahelikiki.