I Yhn 2:18 - Testamente Ledrimpswha ni Mapsalma

¹⁸ Vana vanga, a nkama wa vugamu hi wolowu, swanga hileswi n'wiswiyingeliki leswaku a Nala wa Kriste (anti-kriste) atata, ni swoswi vunyingi bya valala va Kriste(va antikriste) vahumelela; hikola ka leswo haswitiva leswaku hiwolowu nkama wa vugamu.

I Yhn 2:18 ပူးပေါင်းရင်းမြစ်များ

Mt 24:11

Kutahumelela vaprofeta vanyingi va madrimi, vakanganyisa lava vanyingi.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 24:5

Hikusa lava vanyingi vatata hi vito dranga vaku: Hi mine Kriste, vatakanganyisa a vakutala.

Marka 13:6

Vanyingi vatahumelela hi kukanganyisa vaku hi mine lweyi: Hi mine Kriste! Na vatakanganyisa vhanu vanyingi.

Yohana 21:5

Yesu ahangaku ku vone: Vana, n'wini swakuda xana? Vamuyangula, vaku: Im'hi.

Rm 13:11

Nihlaya leswo ku n'wine n'witivaka nkama: Leswaku i nkama wa kupfuka vurongweni; a huluxo dreru dri kusuhi ngopfu kutlula loko hi yamukeliki vupfumeli.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

II Ptr 2:1

Kahumeleli vaprofeta va madrimi amakari ka tiko dra va-Yuda, swanga hi leswi vataka va kone makari kwenu a vadondrisi va madrimi, lava taka dondrisa tidondro leti honisaka ta madrimi vatalandrula ni Hosi leyi vatiruliki, kambe vatatekeliwa kulahlekeni hi kuhangwesa.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

I Yhn 2:22

Kolahu i mani lweyi wa madrimi? Loko kunge lweyi ahlayaka leswaku Yesu ahi Kriste? Lweyo hi lweyi anga Nala wa Kriste, lweyi alandrulaka Tatana ni N'wana.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

I Yhn 4:3

Kambe, a moya mun'wana-ni-mun'wana lowu wukanetaka leswaku Yesu Kriste ati anyameni ahi wa Xikwembu Nkulukumba; lowu hiwo moya wa nala(antikriste) wa Kriste, lowu n'wiswiyingeliki kuhlayiwa leswaku wutava yene nala (antikriste), swoswi ke, akone a misaveni.

II Yhn 1:7

Hikusa kunivakanganyisi vanyingi vahangalakiki misaveni, lava vangakholwikiki leswaku Yesu Kriste atile hi nyama; lavo ivakanganyisi ni vakaneti va Kriste.

Yd 1:18

Afa va n'wibyela vaku: Ankameni wa vugamu kutava ni vhanu lava taka kanganyisa van'wana, lava vatakafamba hi kunavela kwavu.