I Yhn 2:1 - Testamente Ledrimpswha ni Mapsalma

¹ Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 2:1 ပူးပေါင်းရင်းမြစ်များ

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Yohana 10:15

Swanga hi leswi Tatana anitivaka, ni leswi mine nitivaka Tatana; ninyiketa vutomi byanga hinkonta ya tihamba.

Yohana 13:33

Vana vanga, nahali na n'wine nkamanyana; n'witanidjula, kambe swanga hi leswi nibyeliki va-Yuda, na n'wine nan'wibyela: Laha ndriyaka kone n'wine an'wina kuswikota kuya.

Yohana 14:16

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki,

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 21:5

Yesu ahangaku ku vone: Vana, n'wini swakuda xana? Vamuyangula, vaku: Im'hi.

Yohana 5:14

Antrhaku ka leswo Yesu ayamukuma a Tempeleni, kutani aku ku yene: Lavisa, uhanyisiwile. Loko ungadjuli kuweliwa hi khombo ledri drikulu, dritlulaka a dra kuranga, trika kudoha.

Yohana 5:36

Kambe mine nini vumboni lebyi byitlulaka bya Yohana. Hikusa a mintiro leyi Tatana aninyikiki leswaku nimihetisisa, minga yo mintiro leyi nimiyentxaka, hi yone leyi minihambelaka vumboni bya leswaku nirumiwi hi Tatana.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Yohana 8:11

Aku: Angakone, Hosi. Yesu aku ku yene: Na mine, anikuyavanyisi. Famba, ungahatlheli udoha.

Mintiro Ya Vapostola 7:52

Amakari ka vaprofeta, hi wini lweyi wa kuka a vatatana venu vangamuxanisanga, xana? Vadlayi lava vativisiki khale, hi kuprofeta, a kuta ka Mululami, lweyi n'wine swoswi n'wingavawongi vakwe ni vadlayi vakwe,

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Rm 6:15

Hikolahu hi pimisa yini? Xana hita doha hi leswi hingeheke hansi ka nawu, kambe atimpswalwini ta Xikwembu Nkulukumba? Swingavi tanu!

Rm 8:34

Hi mani lweyi atakavayavanyisa? I Kriste Yesu lweyi a fiki, kumbe xana, lweyi apfukiki kufeni, na kone anga vokweni dra xinene dra Xikwembu Nkulukumba mfuri a hi kombelelaka.

I Kor 15:34

Ntrhunxekani, kunene, n'wingadoheni; hikusa van'we avana kutiva ka Xikwembu Nkulukumba; nihlaya leswo akuva nin'wiyentxisa tingana.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 4:19

Vana vanga, lava nitlhelaka ni lun'wa ha n'wine; ku kondra Kriste avumbiwa ku n'wine,

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Ef 4:26

Hlundrukelanani, kambe n'winga dohi; n'wingavi trika a dambu dri pela na n'waha hlundrikile.

I Tmt 2:5

Hikusa kuni Xikwembu Nkulukumba mun'we ni mutlhanganisi mun'we wa Xikwembu Nkulukumba ni vhanu, Kriste Yesu, mhunu,

I Tmt 3:14

Nikutralela leswo na nidumba leswaku nitata ku wene ndreni ka nkamanyana;

Va-Heberu 9:24

Hikusa Kriste anga nhingenanga ambangwini wa kuxwenga lowu yentxiwiki hi mavoko, lexi xinga xifaniso ntsena xa lowu wunga wone. Kambe atilweni antshima ya drone, ayahumelela swoswi amahlweni ka Xikwembu Nkulukumba ahikombelelaka.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Yakobe 3:9

Ha drone hi twalisa Xikwembu Nkulukumba Tatana weru; ha drone mfuri hi ruka vhanu, lava yentxiwiki hi xifaniso xa Xikwembu Nkulukumba.

I Ptr 2:22

Yene lweyi angayentxangakiki xidoho, mfuri akukumiwanga vukanganyisi anon'wini wakwe;

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Yhn 3:18

Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

I Yhn 5:17

A ntiru wakukari wavusomboloki i xidoho, kambe kuni xidoho lexi xingayisikiki kufeni.

I Yhn 5:21

Vana vanga, tivonelani ku swikwembu swakuka-ndlela.

III Yhn 1:4

Akunyoxa kukulu i kutiva leswaku a vananga vahanya hi kufambelana ni xihlayelamfuri.