I Yhn 1:8 - Testamente Ledrimpswha ni Mapsalma

⁸ Loko hiku ahina xidoho, ha kutikanganyisa, a xihlayelamfuri a xikone ku hine.

I Yhn 1:8 ပူးပေါင်းရင်းမြစ်များ

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Rm 3:10

Swanga hi kuhlaya ka Matralwa ya Kuhlawuleka: Akuna lwa lulamiki. Ni mun'we.

Rm 3:23

Hikusa hinkwavu vadohile, vapfumala kuphatima ka Xikwembu Nkulukumba.

I Kor 3:18

A mhunu angatxhuki atikanganyisa; loko mun'we amakari kwenu apimisa leswaku atlharihile amisaveni leyi, andruluke singe, akuva atava ntivi.

Gl 6:3

Loko mhunu apimisa leswaku i xa ntxhumu nange wa ntxhumu, awa tikanganyisa ha vuswake.

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

Yakobe 1:22

Vanani vayentxi va Ritu, n'wivi vayingeli ntsena, n'witikanganyisa ha swenu.

Yakobe 1:26

Loko apimisa leswaku i mhunu wa vukhongoti ngopfu, kambe loko angafumi lidrimi drakwe, akanganyisa mbilu yake, avukhongoti byake i bya mahala.

Yakobe 3:2

Hikusa ha hoxa hi swihoxo swinyingi hinkweru. Loko nha mun'we angahoxi hi maritu, i mhunu wa kuhetiseka, lweyi a kotaka kufuma miri yake hinkwayu.

II Ptr 2:13

na vayamukela a hakelo drakusomboloka kwavu. Vayanakanya leswaku i ndjombo kutinyoxisa a hlikanhini, i mabati-bati ni swisandru, vatinyoxela akukanganyiseni kwavu, loko vada na n'wine.

I Yhn 1:10

Loko hiku ahidohanga hi muyentxa muhembi, a ritu drakwe adri kone ku hine.

I Yhn 1:6

Loko hiku hini kutlhangana na Yene, na kasi hi famba munyameni, ha hemba, ahiyentxi a xihlayelamfuri.

I Yhn 2:4

Lweyi aliki namutiva Xikwembu Nkulukumba na anga bekisi swileleto swake, awa hemba, a xihlayelamfuri axi kone ku yene.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

II Yhn 1:2

Kuve leswaku a xihlayelamfuri xile ku hine, kutani xitava na hine hi la kungahelikiki.

III Yhn 1:3

Ni nyoxi ngopfu hikuta ka van'we vamakweru, ni hi vumboni byavu hikola ka xihlayelamfuri xaku, leswaku wene ufamba xihlayelamfurini.