I Yhn 1:7 - Testamente Ledrimpswha ni Mapsalma

⁷ Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

I Yhn 1:7 ပူးပေါင်းရင်းမြစ်များ

Mt 6:12

Hidrivalele a milandru yeru, swanga hi leswi na hine hidrivalelaka van'wana lava vangani milandru ku hine.

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Yohana 12:35

Yesu aku ku vone: A kuvaninga kahatava kone nkamanyana amakari kwenu. Fambani loko meheni kuvaninga, leswaku munyama wungatitxhuka wu n'wikuma; kasi lweyi afambaka munyameni angativi lomu ayaka kone.

Yohana 5:4

Hikusa, hi minkama min'wana, yin'we ntrumi afa yixikela vuhlambyini yitatapfindluxa mati; kutani lweyi arangaka anhingena loko a mati mahakupfindluxiwa, afa ahanyisiwa, nambi ani mavabyi ya tinxaka-xaka.]

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

I Ptr 1:19

kambe hi ngati ya lisima drikulu ya Xihambana lexi xingalikina vulema kumbe bati dra nandru, anga Kriste,

I Yhn 1:3

Lexi hi xivoniki, ni lexi hi xiyingeliki, hi lexo hi n'wibyelaka xone, akuva na n'wine n'witlhangana na hine. Na xileswi hitlhanganisiwi kun'we na Tatana, ni N'wanake Yesu Kriste.

I Yhn 1:5

Ke, hi ledri a ritu ledri hidriyingeliki ku N'wana hi n'wibyelaka drone, leswaku Xikwembu Nkulukumba i livaningo, ku Yene a kuna munyama ni kutrongo.

I Yhn 5:6

Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.

I Yhn 5:8

Kutani lava vararu vone vabeka vumboni la misaveni: a Moya wakuxwenga, ni mati, ni ngati, kutani leswi swiraru swatwana a mhakeni yin'we.

II Yhn 1:4

Nive ni kunyoxa ngopfu hikuva ningakuma van'we ku vana vaku lava vafambaka tindleleni ta xihlayelamfuri, mayelanu ni niswileleto swa Xikwembu Nkulukumba Tatana.

III Yhn 1:4

Akunyoxa kukulu i kutiva leswaku a vananga vahanya hi kufambelana ni xihlayelamfuri.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 12:11

Kutani vone vamuhlulile hi ngati ya Hambana, ni vumboni bya ritu dravu avayalanga kunyiketa vutomi byavu kuyatlhasa kufeni.

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.