I Tsl 5:6 - Testamente Ledrimpswha ni Mapsalma

⁶ Hileswo-ke hingakhutriyeleni swanga hi van'wana, kambe a hi veneni lava valavelelaka ni kuhanya hikutikhoma.

I Tsl 5:6 ပူးပေါင်းရင်းမြစ်များ

Mt 13:25

Kambe avusikwini, loko vhanu hinkwavu vayetlelile, kuta nala atatabyala lihungu amakari ka mavele, ava atifambela.

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Mt 25:13

Hileswo-ke hitekani, hikusa an'witivi a siku ni nkama.

Mt 25:5

Leswi a mulovoli afaka ahlwela, a vanhwanyana hinkwavu vakhomiwa hi vurongo vakhutriyela.

Mt 26:38

A moya wanga wuvaviseka hi kutlulisa, swanga hi kufa. Salani kola n'wilavelela na mine.

Marka 13:37

Kambe leswi nin'wibyelaka swone, nibyela hinkwavu nili: Hitekani swinene!

Lk 12:37

Makatekile a malandra lawa a n'winyi atakaku abuya, atatamakuma na malavelela. Nihlayelamfuri nili ku n'wine: a n'winyi atatitrimba likhalu a matrhamisisa kudeni, amatirela.

Lk 12:39

Kambe tivani leswaku loko fanga a n'winyi wa yindlu ativile nkama lowu a muyivi ataka ha wone, ina ahitekile, anga pfumelanga leswaku a yindlu yake yitlhanyiwa.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Lk 22:46

Aku ku vone: N'wikhutriyelela yini xana? Pfukani n'wikhongota, n'wingatinhingena kudringiweni.

Mintiro Ya Vapostola 20:31

Hileswo-ke, hitekani. N'widrimuka leswaku ha malembe mararu anisamanga nitrika a kun'wimamulela mun'wana-ni-mun'wana, hi minyembeti avusiku ni nhlikanhi.

I Kor 15:34

Ntrhunxekani, kunene, n'wingadoheni; hikusa van'we avana kutiva ka Xikwembu Nkulukumba; nihlaya leswo akuva nin'wiyentxisa tingana.

I Kor 16:13

Hitekani, tiyani akupfumeleni, vanani vavanuna, vanani lava va ntamu.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Ef 5:14

Hileswo-ke kuhlayiwi leswaku: Sisimuka wene uyetleliki, pfuka makari ka vakufa, kutani Kriste ata kuvaninga.

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Va-le-Filipiya 4:5

Akunabyala kwenu akutibyiwe hi vhanu hinkwavu; a Hosi yi kusuhi.

Va-le-Kolosa 4:2

Khinyelani aku khongoteni, na n'wihiteka hi mitlangelo.

I Tsl 4:13

Kambe anirandri, vamakweru, leswaku n'wikohla hi timhaka ta lava vatiyetleleliki, n'wingativaviseka swanga hi van'wana lava vangeke na kudumba.

I Tsl 5:10

lweyi ahifeliki akuva nambi hilavelela, nambi hikutriyela hita hanya kun'we na Yene.

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

I Tmt 2:15

kambe atahuluka hi kubeleka a vana, loko vatrhama akupfumeleni ni le lirandrwini, ni le kubasisiweni hi kutikhoma.

I Tmt 2:9

Hi mayentxela wolawo, na vone a vavasati na vayambali a swiyambalu leswi switxhavisekaka, hi kutikhoma mayentxeleni, vangatixongise hi kulehisa misisi, kumbe hi gole ni maperola, kumbe minkhantxu ya kudula,

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

I Tmt 3:2

Hileswo-ke, kudjuleka leswaku a bixopo ava lweyi angasolekiki, anga nuna wa nsati mun'we, adaka ni kunwa hi kutipimelela, atikhomaka, angatitlakuxiki, arurelaka vayeni, ativaka kudondrisa,

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Tito 2:6

Tratriya na vone lava vampswha leswaku vatikhoma;

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

Mpfuletelo 3:2

Hiteka, utiyisa leswi swisaliki, leswi afaka swili kusuhi ni kufa, hikusa nikumi leswaku a mintiro yaku amihetisekanga amahlweni ka Xikwembu Nkulukumba wanga.