I Tsl 5:23 - Testamente Ledrimpswha ni Mapsalma

²³ Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

I Tsl 5:23 ပူးပေါင်းရင်းမြစ်များ

Lk 1:46

Kutani Maria aku: A hika dranga dritwalisa Hosi

Yohana 17:19

Kutani nitixwengisela vone, akuva na vone vava lava vaxwengisiwiki axihlayelamfurini.

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 15:33

Xikwembu Nkulukumba lweyi a nyikaka kurula, ave na n'wine hinkwenu. Amen.

Rm 15:5

Ingi Xikwembu Nkulukumba lweyi a kutiyisela ni kulavisela swipfaka ku Yene, angan'winyika kuyingelana kuvavisekeni avan'we ku van'wana, mi landra a xikombiso xa Yesu Kriste.

Rm 16:20

Xikwembu Nkulukumba lweyi a nyikaka kurula, atahatla apswhandlasa Sathana a hansi ka minkondro yenu. Ingi a Hosi yeru Yesu Kriste angan'witovokisa.

I Kor 1:2

ku Kereke dra Xikwembu Nkulukumba ledri dringa Korinto, lava vaxwengisiwiki ku Kriste Yesu, vavitaneliwiki kuva vahlawuleki, ni hinkwavu, lava mimbangwini hinkwayu vakhongotaka a vito dra Yesu Kriste, Hosi yavu ni yeru.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

I Kor 14:33

Hikusa Xikwembu Nkulukumba ahi wa mpfilu-mpfilu, kambe i wa kurula. Swanga hi le makerekeni hinkwawu ya vahlawuleki,

II Kor 5:19

Xileswo, Xikwembu Nkulukumba afa ali ku Kriste, atibuyelelisi ni vhanu, na angalondrisi swihono swavu, kutani ahirwexi kutivisa ntiro wa kubuyelelana.

Va-le-Filipiya 1:10

akuva n'witakota kuhlawula leswi swinga swinene; n'wiva lava vaxihlayelamfuri, n'wingena kusoliwa a sikwini dra Kriste.

Va-le-Filipiya 1:6

Nini kudumba ka leswaku lweyi a sunguliki ntiro wa kuxonga ku n'wine, atawuyisa mahlweni kukota kuva hi siku dra Kriste Yesu.

Va-le-Filipiya 4:9

Leswi na swone n'widondriki, ni kuyamukela, ni kuswiyingela, ni kuswivona ku mine, swiyentxani; Xikwembu Nkulukumba wa kurula atava na n'wine.

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

I Tsl 2:19

Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

I Tsl 3:11

Kambe Xikwembu Nkulukumba ha vuswake, Tatana weru ni Hosi yeru Yesu Kriste, angafambisi ndlela yeru akuva hita ku n'wine.

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

I Tsl 4:3

Hikusa leswi i kurandra ka Xikwembu Nkulukumba, akuxwengisiwa kwenu: n'wiva kule ni vuwoswi;

I Tsl 5:22

na n'wihambuka kakuhinkwaswu leswi swakubiha.

II Tsl 3:16

A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 2:11

Kunene, nambi ali muxwengi kumbe lava vaxwengisiwaka, vahuma ku mun'we ntsena. Hikolahu ka leswo angakhomeki tingana akuva avatxhula vamakwavu,

Va-Heberu 4:12

Hikusa a ritu dra Xikwembu Nkulukumba dra hanya, dri ni ntamu, dra kariha kutlula lipanga ledri drilotiwiki hi matlhelo mabiri. Drinhingena ndreni kuyatlhasa lana driyavanyisaka a hika ni moya, ni kutlhangana ka marambu ni mongo, na kone draswikota kuyavanyisa miyanakanyu ni makungu ya mbilu.

Yakobe 1:4

Kambe akutiyisela akuve ni ntiro wa kuhetiseka, akuva n'wiva lava valulamiki hikuhetiseka na n'wingapfumali ntxhumu.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

Yd 1:1

Yuda, nandra wa Yesu Kriste, ni makwa Yakobe, kuvavitaniwa ka lava vakurandreka ku Xikwembu Nkulukumba Tatana, wa lava vabekisiwaka ku Yesu Kriste;

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,